લોન્ચ / OnePlus 7 Proના આલમન્ડ કલર વેરિયન્ટનું વેચાણ શરૂ, જાણો કિંમત અને ફિચર્સ

સ્માર્ટફોનના આ વેરિયન્ટનુ વેચાણ આજે બપોરના 12 વાગ્યાથી એમેઝોનની વેબસાઇટ, વનપ્લસની વેબસાઇટ, વનપ્લસ એક્સક્લૂઝિવ ફિઝિકલ રિટેલર્સ અને વનપ્લસ પાર્ટનર આઉટ્લેટ્સથી થઇ રહ્યુ છે. 

OnePlus પહેલાથી જ OnePlus 7 Proના 6GB + 128GB, 8GB + 256GB અને 12GB + 256GBનું વેચાણ મિરર ગ્રે અને નેબૂઆ બ્લૂમાં કરી રહ્યુ છે. મિરર ગ્રે 12GB RAMમાં ઉપલબ્ધ છે અને નેબૂઆ બ્લૂ 6GB RAMમાં વેચાણ નથી થઇ રહ્યુ. OnePlus 7 Pro આલમન્ડ કલરની કિંમત 52999 રૂપિયા છે. આ વેરિયન્ટ 8GB + 256GBમાં મળે છે. આ વેરિયન્ટ આજથી ખરીદી શકાશે.

લોન્ચ ઑફર્સની વાત કરવામાં આવે તો  OnePlus 7 Pro ગ્રાહકો SBI ક્રેડિટ અને ડેબિટ કાર્ડ્સની સાથે એમેઝોન, રિલાયન્સ અને ક્રોમા પર 2000 રૂપિયા સુધીના કેશબેકનો ફાયદો ઉઠાવી શકે છે.  એમેઝોન પર  OnePlus 7 Proને નૉ કોસ્ટ EMI પરથી પણ ખરીદી શકાશે. OnePlus 7 Pro ને ભારતમાં ગત મહિને લોન્ચ કરવામાં આવ્યો હતો. આ કંપનીનો પહેલો સ્માર્ટફોન છે, જેમાં પૉપ-અપ સેલ્ફી કેમેરા આપવામાં આવ્યો છે.

OnePlus 7 Proના ફિચર્સ:

OnePlus 7 Proમાં 6.7 ઇંચની QHD+ ફ્લુઇડ એમોલેડ ડિસપ્લે આપવામાં આવી છે. જેનું રિઝોલ્યૂશન 3120×1440 છે. આ ફોનને આસ્પેક્ટ રેશિયો 18:5:9 છે અને સ્ક્રીન ટુ બોડી રેશિયો 93 પર્સેન્ટ છે. તેમજ પોપ-અપ સેલ્ફી કેમેરાને લઇને કોઇ નોચ આપવામાં આવી નથી. HDR10/10+ સપોર્ટ સાથે આવતા આ ફોનમાં સ્ક્રીન પિક્સલ ડેન્સિટી 516ppi છે. જે ડિસપ્લેને શાર્પ બનાવે છે. 

એન્ડ્રોઈડ 9 પાઈ બેઝ્ડ oxygenOS પર ચાલતા આ ફોનમાં ક્વાલકોમ સ્પેનડ્રેગન 855 પ્રોસેસરનો ઉપયોગ કરવામાં આવ્યો છે. UFS 3.0 મેમરી સાથે આવવાળો આ દુનિયાનો પહેલો ફોન છે. આ એક નેક્સ્ટ જનરેશન સ્ટોરેજ સિસ્ટમ છે. ફોન લિક્વિડ કૂલિંગ સિસ્ટમથી સજ્જ છે જે ફોનને ગરમ થતા રોકે છે અને ટેમ્પરેચર કંટ્રોલ કરે છે. 

OnePlus 7 Proમાં ટ્રિપલ કેમેરા સેટઅપ આપવામાં આવ્યુ છે. ફોનના બેકમાં OIS, EIS, 7P લેન્સ અને f/1.6 અપર્ચર સાથે 48 મેગાપિક્સલનો સોની IMX586 લેન્સ અને આપવામાં આવ્યો છે. ફોનમાં f/2.2 અપર્ચરવાળો 16 મેગાપિક્સલનો અલ્ટ્રા વાઈડ એંગલ કેમેરા અને 3X ઓપ્ટિકલ ઝૂમ સાથે 8 મેગાપિક્સલનો ટેલિફોટો કેમેરા આપ્યો છે જેનું અપર્ચર f/2.4 છે. સેલ્ફી અને વીડિયો કોલિંગ માટે ફોનમાં 16 મેગાપિક્સલનો પોપઅપ કેમેરા આપવામાં આવ્યો છે. આ સાથે જ કંપનીએ દાવો કર્યો છે કે, જો તમે રોજ 50 વખત પણ સેલ્ફી માટે પોપઅપ કેમેરાનો ઉપયોગ કરશો તો પણ વર્ષો સુધી કેમેરા કંઇ નહી થાય .

OnePlus 7 Proમાં 4000mAhની બેટરી આપવામાં આવી છે જે વાર્પ ચાર્જ 30 ફાસ્ટ ચાર્જિંગ સપોર્ટ કરે છે. કંપનીનો દાવો છે કે, ફકત 20 મિનિટ સુધી ચાર્જિગમાં ફોન 48% જેટલો ચાર્જ થશે.