પરિવારમાં આક્રંદ / ઉપલેટાના ખારચીયા ગામે વેણુ નદીમાં ડૂબી જવાથી પ્રૌઢનું મોત, હાથ ધરાઈ મૃતદેહની શોધખોળ

 

• વેણુ નદીમાં પ્રૌઢનું ડૂબી જવાથી મોત
• સરપંચ, મામલતદાર પહોંચ્યા ઘટનાસ્થળે
• સ્થાનિક તરવૈયાઓની મદદથી મૃતદેહની શોધખોળ હાથ ધરાઈ

રાજકોટ જિલ્લાના ઉપલેટા તાલુકાના ગધેથડ પાસે આવેલો વેણું-2 ડેમ ભારે વરસાદના કારણે ફૂલ ભરાઈ ગયો હતો. ડેમમાં પાણીનું સ્તર વધતા ફ્લેડ કંટ્રોલ રૂમ દ્વારા હેઠળવાસમાં આવેલા ગામના લોકોને નદીના પટમાં કે કાંઠા વિસ્તારમાં અવરજવનર ન કરવાની તથા સાવચેત રહેવાની અપીલ કરવામાં આવી હતી. આ વચ્ચે ઉપલેટાથી એક મોટા સમાચાર સામે આવ્યા છે.

સરપંચ, મામલતદાર, ટીડીઓ પહોંચ્યા 

રાજકોટ જિલ્લાના ઉપલેટા તાલુકાના ખારચીયા ગામ પાસેથી પસાર થતી વેણુ નદીમાં પ્રૌઢનું ડૂબી જવાથી મોત નીપજ્યું છે. ખારચીયા ગામ પાસે વેણુ નદીના વહેણમાં પ્રૌઢ ડૂબી ગયા હોવાનું જાણવા મળતા સરપંચ, મામલતદાર, તાલુકા વિકાસ અધિકારી બનાવ સ્થળે દોડી આવ્યા છે. હાલ સ્થાનિક તરવૈયાઓની મદદથી મૃતદેહની શોધખોળ હાથ ધરવામાં આવી છે.

મિત્રો સાથે ન્હાવા પડેલા યુવકનું મૃત્યુ

અત્રે ઉલ્લેખનીય છે કે, ગતરોજ રાજકોટ જિલ્લાના જસદણમાં ભાદર નદીમાં મિત્રો સાથે ન્હાવા પડેલા યુવકનું ડૂબી જતા મોત નીપજ્યું હતું. ફાયર વિભાગની ટીમે યશ શેખલીયા નામના યુવકનો મૃતદેહ બહાર કાઢ્યો હતો. જે બાદ મૃતદેહને પોસ્ટમોર્ટમ અર્થે જસદણની સરકારી હોસ્પિટલમાં ખેસડવામાં આવ્યો હતો.