ખુલાસો / ખંભાત હિંસા મામલે વધુ એક મહત્વનો ખુલાસો, પોલીસને હાથ લાગી તોફાન પહેલાની વાતચીતનો ઓડિયો ક્લીપ

• ખંભાત જૂથ અથડામણ મુદ્દે નવો ખુલાસો
• પોલીસને હાથ લાગી ઓડિયો ક્લીપ
• તોફાન પહેલા આરોપીઓની વાતચીત સામે આવી

તોફાન પહેલા આરોપીઓની વાતચીતની ઓડિયો ક્લીપ સામે આવી

ખંભાતમાં રામનવમીના દિવસે શોભાયાત્રા પર કરવામાં આવેલા પથ્થરમારાની ઘટનામાં એક બાદ એક નવા ખુલાસો સામે આવી રહ્યાં છે. ત્યારે હવે પોલીસને આ મામલે  એવી કડી હાથ લાગી છે જેમાં સમગ્ર કાવતરૂં આરોપીઓ દ્વારા આયોજનબદ્ધ રીતે જ ઘડાયું હતું. એટલે કે,ઘટનાના દોઢ બે દિવસ પહેલાં જ આરોપીઓએ એકબીજા સાથે કરેલી ટેલિફોનિક વાતચીતની ઓડિયો-ક્લિપ પોલીસને હાથ લાગી છે, જો કે, પોલીસે હજુ સુધી ઓડિયો ક્લીપ સત્તાવાર રીતે જાહેર નથી કરી

પોલીસને અન્ય લોકોની સંડોવણીના પણ મળ્યા પુરાવા

આ અંગે પોલીસ સૂત્રોના જણાવ્યા અનુસાર, પકડાયેલા આરોપીઓનો એક જ મકસદ હતો કે, શોભાયાત્રા પર હુમલો કરવો. અને આ માટે તેઓએ જે વાતચીત કરી હતી તેની ઓડિયો ક્લીપ મળી આવી છે. જેમાં તેઓ સ્પષ્ટ કહી રહ્યા છે કે શોભાયાત્રા દરમિયાન શું કરવાનું છે.વધુમાં ઘટના બન્યા બાદ જે યુવકો પથ્થરમારામાં સંડોવાયેલા હોય તેમને પણ સ્પષ્ટ કહી દેવાયું હતું કે, તેમને જેલમાં રહેવું પડશે. આમ, માનસિક રીતે તેમને સમગ્ર ઘટનાથી વાકેફ કરાયા હતા. બીજી તરફ ઘટના બાદ હાલમાં જનજીવન થાળે પડી રહ્યું છે.