જ્યારે કિમને તેની કારમાં બેસવાનું હતું ત્યારે પણ તેને મુશ્કેલીનો સામનો કરવો પડ્યો હતો. કિમનો આ વીડિયો હવે સોશિયલ મીડિયા પર ખૂબ જ ઝડપથી શેર થઈ રહ્યો છે.
કિમ કાર્દાશિયન ફરી કપડાના કારણે ચર્ચામાં
મિલાન ફેશન વીકમાં આપી હતી હાજરી
ટાઈટ ડ્રેસના કારણે થઈ આવી મુશ્કેલી
કિમ કાર્દાશિયન ફરી એકવાર તેના કપડાના કારણે ચર્ચામાં છે. હાલમાં જ તેણે મિલાન ફેશન વીકમાં હાજરી આપી હતી. પરંતુ રેમ્પ વોક કર્યા વિના તે પોતાના ટાઈટ ડ્રેસના કારણે લોકોના આકર્ષણનું કેન્દ્ર બની હતી. કિમ કાર્દાશિયને પોતે ઈન્સ્ટાગ્રામ પર પોતાનો એક વીડિયો શેર કર્યો છે. જેમાં જોઈ શકાય છે કે તેના ડ્રેસને કારણે તેને કેટલી સમસ્યાઓનો સામનો કરવો પડ્યો હતો. આ ડ્રેસને કારણે તેને ચાલવામાં પણ તકલીફ પડી રહી હતી. એટલું જ નહીં સીડી પર ચઢવા માટે પણ તેને કૂદકા મારી મારીને ચઢવું પડી રહ્યું હતું.
કિમ કાર્દાશિયનનો આ વિડિયો જોઈ ચોંકી ઉઠશો
કિમે જે વીડિયો શેર કર્યો છે તેમાં તમે જોઈ શકો છો કે તેણે હાઈ હીલ્સ સાથે ડોલ્સે ગબ્બાનો ડ્રેસ પહેર્યો છે. કિમને પહેલા ચાલવામાં તકલીફ પડતી હતી. પરંતુ જ્યારે તે સીડી પર ચઢવા ગઈ તે દ્રશ્ય ખૂબ જ ફની હતું. વીડિયોમાં તમે જોઈ શકો છો કે કિમ કાર્દાશિયન સીડી પર કૂદતા મારીને ચઢવાનો પ્રયત્ન કરી રહી છે.
કારમાં બેસવામાં પણ થઈ તકલીફ
એટલું જ નહીં જ્યારે કિમને તેની કારમાં બેસવાનું હતું ત્યારે પણ તે સ્ટ્રગલ કરતી જોવા મળી હતી. કિમનો આ વીડિયો હવે સોશિયલ મીડિયા પર ખૂબ જ ઝડપથી શેર થઈ રહ્યો છે. વીડિયો સામે આવતા જ ઘણા લોકો કિમ કાર્દાશિયન પર હસી રહ્યા હતા. તે જ સમયે કેટલાક યુઝર્સે વીડિયો પર કમેન્ટ્સ કરી અને તેને 'ફેશન ટોર્ચર' ગણાવ્યું.
તમને જણાવી દઈએ કે કિમ સિવાય તેની બહેન ખોલે કાર્દાશિયન પણ મિલાન ફેશન વીકમાં હાજર રહી હતી. આ ઇવેન્ટમાં ભાગ લેતા તેની એક્ટર મિશેલ મોરોન સાથે ડેટિંગની અફવાઓ ઉડી હતી. વાસ્તવમાં બંને એક તસવીરમાં સાથે જોવા મળ્યા હતા. બંનેની તસવીરો જોઈને લોકો અનુમાન લગાવવા લાગ્યા કે તેઓ એકબીજાને ડેટ કરી રહ્યા છે. જો કે, પાછળથી મિશેલની ટીમના એક સભ્યએ આગળ આવીને લોકોને કહ્યું કે તે અને ખોલેના સાથે આવવું એક દોસ્તાના મિજાજ હતો.