શૉકિંગ / દિકરાનું નામ ડ્રગ્સ કેસમાં આવ્યા બાદ સામે આવ્યું શક્તિ કપૂરનું રિએક્શન, આપ્યું આવુ નિવેદન

• શક્તિ કપૂરના પુત્રની અટકાયત 
• બેંગ્લોર પોલીસે કરી ધરપકડ 
• પિતાનું પહેલુ રિએક્શન આવ્યું સામે 

બૉલીવુડ અભિનેત્રી શ્રદ્ધા કપૂરના ભાઈની ડ્રગ્સ લેવાના આરોપમાં ધરપકડ કરવામાં આવી છે. વિગતો મુજબ બેંગ્લોરની એક હોટલમાં કેટલાક લોકો પાર્ટી કરી રહ્યા હતા. જેને લઈ પોલીસ રેડ કરી શ્રદ્ધા કપૂરના ભાઈ સહિતના લોકોને ઝડપી પાડયા હતા. 

જે બાદમાં તમામનો ડ્રગ ટેસ્ટ કરવામાં આવતા શ્રદ્ધાના ભાઈ સહિત અન્ય છ લોકોનો ટેસ્ટ પોઝિટિવ આવ્યો હતો. જેથી પોલીસ તમામની ધરપકડ કરીને આગળની કાર્યવાહી હાથ ધરી છે. 

Karnataka | Actor Shraddha Kapoor's brother Siddhanth Kapoor detained during police raid at a rave party in a Bengaluru hotel, last night. He is among the 6 people allegedly found to have consumed drugs: Bengaluru Police pic.twitter.com/UuHZKMzUH0

— ANI (@ANI) June 13, 2022

 

શક્તિ કપૂરે શું કહ્યું? 
એક ઈન્ટરવ્યૂમાં વાતચીતમાં શક્તિ કપૂરે કહ્યું કે હું માત્ર એક જ વાત કહી શકું છું, કે આ સંભવ નથી. રિપોર્ટ્સ અનુસાર, રવિવારે સિદ્ધાંત રેવ પાર્ટી કરવા માટે મુંબઈથી બેંગ્લોર ગયો હતો. બેંગ્લોર પોલીસે મોડી રાત્રે એમજી રોડ સ્થિત એક હોટલમાં દરોડો પાડ્યો હતો. 

જ્યાં સિદ્ધાંત સહિત અનેક લોકોની અટકાયત કરવામાં આવી હતી. સિદ્ધાંત સાથે ઘણા લોકો ડ્રગ્સના ટેસ્ટ પોઝીટીવ આવ્યા છે. જે બાદ તેને પોલીસ સ્ટેશન લઈ જવામાં આવ્યો છે.

પહેલા શ્રદ્ધાની પણ ડ્રગ્સ કેસમાં પુછપરછ કરવામાં આવી હતી 
તમને જણાવી દઈએ કે સુશાંત સિંહ રાજપૂતના મૃત્યુ બાદ શ્રદ્ધા કપૂરની પણ ડ્રગ્સ કેસમાં પૂછપરછ કરવામાં આવી હતી. શ્રદ્ધાએ પૂછપરછ દરમિયાન કહ્યું હતું કે તે સુશાંતના પવન ગેસ્ટહાઉસમાં યોજાયેલી ફિલ્મ છિછોરેની સક્સેસ પાર્ટીમાં ગઈ હતી પરંતુ તેણે ડ્રગ્સ લેવાનો ઈન્કાર કર્યો હતો.

ભૌકાલમાં કામ કરી ચુક્યા છે સિંદ્ધાંત 
સિદ્ધાંતની વાત કરીએ તો તે વેબ સિરીઝ ભૌકાલમાં જોવા મળ્યા છે. આ સિવાય તેણે ચેહરે, હસીના પારકર, શૂટઆઉટ એટ વડાલા અને જઝબા જેવી ફિલ્મોમાં કામ કર્યું છે પરંતુ તે ઈન્ડસ્ટ્રીમાં પોતાની ઓળખ બનાવી શક્યો નથી.