ઠાકોર સમાજના આગેવાન અને રાધનપુર વિસ્તારના પૂર્વ ધારાસભ્ય અલ્પેશ ઠાકોરના ચુંટણી અંગેના નિવેદનથી રાજકીય વિખવાદ જાગ્યો છે.
Share
અલ્પેશ ઠાકોરે રાધનપુરથી ચૂંટણી લડવાનો હુંકાર કરી રાજ્કીય મધપૂડો છંછેડ્યો
અલ્પેશ ઠાકોર મારી પર પાયાવિહોણા આક્ષેપ કરે છે: લવીંગજી ઠાકોર
પાર્ટી જે પણ સ્થાનિક ઉમેદવાર નક્કી કરશે અમે તેને જીતાડીશું: લવીંગજી ઠાકોર
ગુજરાત વિધાનસભાની ચુંટણીના આગમનને લઈને રાજકીય પક્ષોમાં કામગીરીનો ધમધમાટ ચાલી રહ્યો છે. આ દરમિયાન આજે રાધનપુર ખાતે આયોજીત ક્ષત્રિય ઠાકોર સમાજના સમૂહલગ્નમાં ઠાકોર સમાજના આગેવાન અને રાધનપુર વિસ્તારના પૂર્વ ધારાસભ્ય અલ્પેશ ઠાકોરે હાજરી આપી હતી. જેમાં તેમણે આ વિસ્તારમાંથી ચુંટણી લડવાનો હુંકાર કરતાં રાજ્કીય મધપૂડો છંછેડ્યો છે. રાજકિય વિખવાદની માફક અલ્પેશ ઠાકોરના નિવેદન બાદ પૂર્વ MLA અને ભાજપ નેતા લવીંગજી ઠાકોરે પ્રતિક્રિયા આપતા જણાવ્યું કે હું પણ રાધનપુરનો દાવેદાર છું અને હરીફ ઉમેદવાર હોવાથી અલ્પેશ ઠાકોર મારા ઉપર પાયાવિહોણા આક્ષેપ કરી રહ્યા છે.
હું હરીફ દાવેદાર છું એટલે અલ્પેશ ઠાકોર મારી પર ખોટા આક્ષેપ કરે છે: લવીંગજી ઠાકોર
ચુંટણીના આગમન પહેલા આક્ષેપ, પ્રતિઆક્ષેપ, દવાઓ અને જાહેરાતોની મોસમ પૂરબહારમાં ખિલતી હોય છે. આવા સમયે ક્ષત્રિય ઠારોરના સમૂહલગ્નમાં ઉપસ્થિત રહેલ અલ્પેશ ઠાકોરે અલ્પેશ ઠાકોર ચૂંટણી લડશે તેવો હુંકાર કર્યો હતો. 2022 વિધાનસભાની ચૂંટણી રાધનપુરથી જ લડીશ. સાથે સાથે જો નહીં લડુ તો મારો વિરોધ કરનારાને પણ હું ચૂંટણી નહીં લડવા દઉ'. તેમ તમણે નિવેદન આપ્યું હતું. આ નિવેદનને પગલે પૂર્વ MLA અને ભાજપ નેતા લવીંગજી ઠાકોરે પણ એક નિવેદન જાહેર કર્યું હતું. જેમાં તેમણે અલ્પેશ ઠાકોરના નિવેદનને પડકાર્યું હતું. તેમણે કહ્યું હતુ કે હું પણ રાધનપુર વિધાનસભા સીટનો દાવેદાર છું. હું હરીફ દાવેદાર છું એટલે અલ્પેશ ઠાકોર મારી પર ખોટા આક્ષેપ કરી રહ્યા છે. વધુમાં લવીંગજી ઠાકોરે જણાવ્યુ હતું કે પાર્ટી જે પણ સ્થાનિક ઉમેદવારને મેદાનમાં ઉતારશે તેને જીતાડવા અમે ભાજપના આગેવાનો કાર્યકરો દિવસ-રાત એક કરીને મહેનત કરશું.
પાર્ટીનો આદેશ હશે તો લડીશું: અલ્પેશ ઠાકોર
રાધનપુર બેઠક પરથી ચૂંટણી લડવાના રાધનપુર ખાતે આયોજીત ક્ષત્રિય ઠાકોર સમાજના સમૂહલગ્નમાં અલ્પેશ ઠાકોરે નિવેદનમાં જણાવ્યુ હતું કે તમે મને ખૂબ પ્રેમ આપ્યો છે. એટલે રાધનપુરથી મેણું ભાંગવાની વાત કરી હતી અને તેઓને વિરોધ કરનાર પૂર્વ ધારાસભ્યો પર આકરા પ્રહાર કરી જે લોકો વિરોધ કરે છે તેઓ ભૂલી જાવ કે તેમે ચુંટણી લડી શકશો તેમ જણાવ્યુ હતું.આ નિવેદન બાદ VTV NEWS સાથે વાતચીતમાં અલ્પેશ ઠાકોરે કહ્યું કે, પાર્ટીનો આદેશ હશે તો લડીશું, નહીં તો નહીં લડીએ, લોકોની અને મારી લાગણી વ્યક્ત કરી છે, નિર્ણય તો પાર્ટીએ કરવાનો છે.
