દાવો / Omicron વેરિયન્ટ સામે લડાઈમાં ભારતે દુનિયાને આપ્યા મોટા ગુડ ન્યૂઝ, કંપનીએ જુઓ શું કર્યો દાવો

• અમારી ટેસ્ટિંગ કિટથી 12 પ્રકારના મુખ્ય વેરિએન્ટને શોધી શકાય છે- માયલેબ
• ટસ્ટિંગ કિટ ઓમિક્રોન સહિત કોરોનાના તમામ વેરિએન્ટને શોધવામાં સક્ષમ 
• નવો વેરિએન્ટ કેટલો ખતરનાક છે અને તેના પર રસી કેટલી અસર કરે છે તેની શોધ ચાલું

અમારી ટેસ્ટિંગ કિટથી 12 પ્રકારના મુખ્ય વેરિએન્ટને શોધી શકાય છે- માયલેબ

કોરોનાના નવા વેરિએન્ટ ઓમિક્રોને ચિંતા વધારી છે. ત્યારે સવાલ એ હતો કે આરટીપીસીઆર ટેસ્ટમાં તેને શોધી શકાય છે કે નહીં? એક ભારતીય કંપની માયલેબે દાવો કર્યો છે કે તેમની ટેસ્ટિંગ કિટથી 12 પ્રકારના મુખ્ય વેરિએન્ટને શોધી શકાય છે. 

ટસ્ટિંગ કિટ ઓમિક્રોન સહિત કોરોનાના તમામ વેરિએન્ટને શોધવામાં સક્ષમ 

WHO એને દુનિયાભરમાં વૈજ્ઞાનિકો એ શોધી રહ્યા છે કે નવો વેરિએન્ટ કેટલો ખતરનાક છે અને તેના પર રસી કેટલી અસર કરે છે.  આ દરમિયાન માયલેબ કંપનીના મેનેજિંગ ડાયરેક્ટર હસમુખ રાવલે એક ન્યૂઝ ચેનલ સાથે કરેલી વાતચીતમાં આ વાતનો દાવો કરવામાં આવ્યો છે કે તેમની ટેસ્ટ કિટથી નવા વેરિએન્ટને શોધી શકાય  છે.  તેમણે ઓમિક્રોનને લઈને જણાવ્યું કે તેમના મુજબ જે મ્યૂટેશન આ નવા વેરિએન્ટમાં થઈ રહ્યું છે તે એસ જીન અને સ્પાઈક પ્રોટીનમાં હાજર રહે છે. માયલેબની જે ટસ્ટિંગ કિટ કોરોનાના તમામ વેરિએન્ટને શોધવામાં સક્ષમ છે. એટલે કે આ ટેસ્ટ કિટ કોરોનાના તમામ વેરિએન્ટને શોધી શકે છે. ત્યાં સુધી કે ઓમિક્રોનને પણ.

આ વેરિએન્ટને પણ શોધી શકાય છે

માયલેબે જે દાવો કર્યો છે કે તેમના અનુસાર ઓમિક્રોન, બીટા, જીટા, એપ્સિલોન, ડેલ્ટા, કપ્પા, ગામા, લેમ્બ્ડા, થીટા, અલ્ફા, ઈટા, લોટા, વેરિએન્ટને તેમની ટેસ્ટ કિટથી શોધી શકાય છે.