મહામારી / ઓમિક્રોન સાઈલન્ટ કિલર, હજુ સાજો થયો નથી, વકીલની આ માગ પર ભડકેલા ચીફ જસ્ટિસ બોલ્યાં

• વકીલનો આગ્રહ, સુપ્રીમની સુનાવણી ઓફલાઈન ચાલુ કરવી જોઈએ 
• ચીફ જસ્ટિસ એનવી રમણે  ઓમિક્રોનની ગંભીરતા સમજાવી
• કહ્યું-ઓમિક્રોન સાઈલન્ટ કીલર, સાજા થવામાં લાગે છે ઘણો સમય
• પહેલી લહેરમાં ચાર દિવસમાં સાજો થયો હતો
• ત્રીજી લહેરમાં ઘણો લાંબો સમય લાગી રહ્યો છે

સુપ્રીમ કોર્ટની સુનાવણી હવે પહેલાની જેમ સંપૂર્ણ રીતે ઓફલાઈન રીતે ચાલુ કરી દેવી જોઈએ તેવી સુપ્રીમ કોર્ટ બાર એસોસિએશનના અધ્યક્ષ અને વરિષ્ઠ વકીલ વિકાસ સિંહના આગ્રહ બાદ ચીફ જસ્ટિસે જણાવ્યું કે હું પહેલી લહેરમાં પીડિત હતો પરંતુ ચાર દિવસમાં સાજો થયો હતો પરંતુ હવે આ લહેરમાં 25 દિવસ થઈ ગયા છે અને હું હજુ પણ ઠીક થયો નથી.

લોકો ઓમિક્રોનમાંથી સાજા થઈ રહ્યાં છે, તમે કેમ નહીં? વકીલે હસતા હસતા ચીફ જસ્ટિસને કહ્યું 

વિકાસ સિંહે ચીફ જસ્ટિસની આ ટીપ્પણીનો હસીને જવાબ આપ્યો કે આ તમારે માટે અશુભ રહ્યું છે પરંતુ લોકો તો ઓમિક્રોનમાંથી સાજા થઈ રહ્યાં છે ત્યારે ચીફ જસ્ટિસે કહ્યું કે અમે જોઈશું. વકીલો હવે સુપ્રીમની કાર્યવાહી ઓફલાઈન શરુ કરવાના પક્ષમાં છે પરંતુ ચીફ જસ્ટિસ હજુ પણ રાહ જોવા માગે છે અને હાલ પુરતું ઓફલાઈન શરુ કરવાના મૂડમાં નથી તેવું તેમના નિવેદન પરથી લાગી રહ્યું છે. 

કોરોના ઘટ્યો એટલે હવે સુપ્રીમની કાર્યવાહી ઓફલાઈન ચાલુ કરવી જોઈએ
સુપ્રીમ કોર્ટ બાર એસોસિએશનના અધ્યક્ષ અને વરિષ્ઠ વકીલ વિકાસ સિંહે ચીફ જસ્ટિસને સુપ્રીમની કાર્યવાહી ઓફલાઈન ચાલુ કરવાની અપીલ કરી હતી. તેમણે કહ્યું કે દેશમાં હવે કોરોના ઘટ્યો છે. પરંતુ ચીફ જસ્ટિસ હજુ પણ રિસ્ક લેવાના મૂડમાં નથી તેમણે વકીલની વિનંતીને ફગાવતા ઓમિક્રોનની ગંભીરતા સમજાવી હતી.