• Home
  • Sports
  • olympics players will return to india on monday

Tokyo 2020 / આજે ભારત આવશે ઑલિમ્પિક્સ વિનર, છેલ્લી ઘડીયે બદલાયુ સન્માન સમારોહ સ્થળ, જાણો કારણ 

Team VTV 12:23 PM, 09 Aug 21
olympics players will return to india on monday

ટોક્યો ઓલિમ્પિકની સમાપ્તિ બાદ ભારતના ખેલાડીઓ સોમવાર સાંજે ભારત પરત ફરી રહ્યાં છે. 

  • સોમવારે સાંજે પરત ફરશે ખેલાડીઓ
  • ઓલિમ્પિક વિજેતા ખેલાડીઓનું સન્માન
  • છેલ્લી ઘડીયે બદલાયુ સમારોહનું સ્થળ 

સાંજે પરત ફરશે ખેલાડીઓ
સાંજે 5 વાગ્યાની આસપાસ ખેલાડીઓને લઇને દિલ્હીના ઇન્દિરા ગાંધી ઇન્ટરનેશનલ એરપોર્ટ પર ફ્લાઇટ લેન્ડ કરશે. જે બાદ સ્પોર્ટ્સ ઓથોરિટી ઓફ ઇન્ડિયા તરફથી મેડલિસ્ટનું સન્માન કરવામાં આવશે. પહેલા આ કાર્યક્રમ 6.30 વાગે સાંજે ધ્યાનચંદ સ્ટેડિયમમાં કરવામાં આવવાનો હતો પરંતુ છેલ્લી ઘડીયે કાર્યક્રમમાં ફેરફાર થઇ ગયો છે. 

 

 

છેલ્લી ઘડીએ બદલાયો કાર્યક્રમ
રાજધાની દિલ્હીમાં થઇ રહેલા મૂશળધાર વરસાદના કારણે કાર્યક્રમને અશોકા હોટલમાં શિફ્ટ કરી દેવામાં આવ્યો છે. સોમવારે સવારે જ આ નિર્ણય લેવામાં આવ્યો અને હવે દરેક તૈયારીઓ હૉટલ અશોકામાં કરવામાં આવી રહી છે. 

વડાપ્રધાન મોદી વીડિયો કોન્ફરન્સથી જોડાશે
ટોક્યો ઓલિમ્પિક્સમાં અત્યાર સુધીનું સૌથી શાનદાર પ્રદર્શન કર્યુ છે. ભારતે કુલ 7 પદક જીત્યા છે અને સાંજના કાર્યક્રમમાં વડાપ્રધાન નરેન્દ્ર મોદી વીડિયો કોન્ફરન્સના માધ્યમથી જોડાય તેવી શક્યતાઓ પણ છે. 

 

 

પહેલીવાર એથ્લેટિક્સમાં ભારતને ગોલ્ડ મેડલ 
અત્યાર સુધી અલગ અલગ રમતોમાં ભારતને ગોલ્ડ મેડલ મળ્યા છે પરંતુ આ પહેલીવાર એવું થઇ રહ્યું છે કે એથ્લેટિક્સમાં ભારતને ગોલ્ડ મેડલ મળ્યો છે. નિરજ ચોપરાએ ભાલાફેંકમાં ગોલ્ડ મેડલ લાવીને ઇતિહાસ રચી દીધો છે. 

 

 

ટોક્યો ઓલિમ્પિક્સના વિજેતાઓ

  1. નીરજ ચોપરા (ભાલાફેંક) ગોલ્ડ મેડલ
  2. રવિ કુમાર દહિયા (કુશ્તી 57 કિલો) સિલ્વર મૅડલ
  3. મીરાબાઇ ચાનુ (વેઇટ લિફ્ટિંગ 49 કિલો મહિલા) સિલ્વર મૅડલ
  4. પીવી સિંધુ (બેડમિન્ટન) બ્રોન્ઝ મેડલ 
  5. લવલીના બોર્ગોહેન (વેલ્ટરવેટ બોક્સિંગ) બ્રોન્ઝ મૅડલ
  6. ભારતીય હૉકી ટીમ બ્રોન્ઝ મૅડલ 
  7. બજરંગ પૂનિયા (કુશ્તી 65 કિલો) બ્રોન્ઝ મૅડલ 
Tokyo Olympics 2020 Neeraj Chopra PM modi Tokyo Olympics

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ