પ્રધાનમંત્રી નરેન્દ્ર મોદીએ મંગળવારે ટોક્યો ઓલિમ્પિકમાં ભાગ લેનારા 15 રમતીવીર સાથે સંવાદ સાધીને તેમના વિચારો જાણ્યાં.
પ્રધાનમંત્રી મોદીએ 15 રમતીવીર સાથે સંવાદ સાધ્યો
15 રમતીવીરોએ ટોક્યો ઓલિમ્પિકમાં ભાગ લેવાના છે
પીએમ મોદીએ તમામ ખેલાડીઓને અભિનંદન પાઠવ્યાં
પીએમ મોદીએ બધા ખેલાડીઓને ઓલિમ્પિક માટે શુભેચ્છા આપી અને કહ્યું કે દેશને તમારી પાસે આશા છે અને તમે લોકો દેશનું નામ રોશન કરશો.
પીએમ મોદીએ કહ્યું કે- તમારે બધાએ જરા પણ દબાણનો અનુભવ કરવાનો નથી. તમે બધા તમારા 100 ટકા આપી પ્રયાસ કરો. આશા છે કે તમે આ વખતે દેશ માટે મેડલ લાવશો. પીએમ મોદીએ બધા ખેલાડીઓને સારી રીતે રમવાનું પણ જણાવ્યું
તીરંદાજ દીપિકા કુમારીને પૂછ્યું આંબા પરથી કેરી તોડવા નિશાન લગાવતા હતા
પ્રધાનમંત્રી મોદીએ પહેલા તીરંદાજ દીપિકા કુમારી (Deepika Kumari) ને વર્લ્ડ નંબર બનવા પર શુભેચ્છા આપી. પ્રધાનમંત્રીએ દીપિકાને એવો સવાલ પૂછ્યો કે શું તમે આંબા પરથી કેરી તોડવા માટે નિશાન લગાવતા હતા. તેમણે કહ્યું તમારી પાસે વધુ આશા છે. તેના પર દીપિકાએ કહ્યું કે, તે ઓલિમ્પિકમાં સારૂ પ્રદર્શન કરશે. પીએમે જ્યારે દીપિકાને પૂછ્યું છે કે મેં સાંભળ્યું છે કે તમે પહેલા કેરી તોડવા માટે નિશાન લગાવતા હતા, તેના પર સ્ટાર તીરંદાજે કહ્યું કે, તેને કેરી પ્રિય છે અને તેથી તે આમ કરતી હતી. ટ્રેક એન્ડ ફીલ્ડના એથલીટથી આર્ચર બનેલા પ્રવીણ જાધવનો પણ જુસ્સો પીએમ મોદીએ વધાર્યો. જાધવ ખુબ ગરીબ પરિવારથી આવે છે. પિતા મજૂર હતા, તેણે આ દિવસ જોઈ પ્રવીણે રમત પસંદ કરી હતી. પીએમ મોદીએ પ્રવીણના માતા-પિતાના સંઘર્ષોને પ્રણામ કર્યા હતા. મોદીએ ભાલાફેંક ખેલાડી નીરજ ચોપડાએ કહ્યુ કે અપેક્ષાઓની નીચે બદાવાની જરૂર નથી. તમે પૂરો પ્રયાસ કરો. તમારા 100 ટકા આપો.
દોડવીર દુતી ચંદ ઓલિમ્પિકમાં છવાઈ જવા તૈયાર-મોદી
ભારતની દોડવીર દુતી ચંદને પણ પ્રધાનમંત્રીએ હિંમત આપી. તેમણે કહ્યું- તમારા નામનો અર્થ ચમક છે. તમે ઓલિમ્પિકમાં છવાય જવા માટે તૈયાર છો. ઓડિશાથી આવનાર એથલીટે પોતાના સંઘર્ષની કહાની જણાવી હતી.
બોક્સર આશીષ કુમારને સચિન તેડુંલકરનું આપ્યું ઉદાહરણ
હાલમાં પોતાના પિતાને ગુમાવનાર બોક્સર આશીષ કુમારને પીએમ મોદીએ સચિન તેંડુલકરનું ઉદાહરણ આપ્યુ અને કહ્યું કે સચિન પર વિશ્વકપ દરમિયાન દુખોનો પહાડ તૂટી પડ્યો, પરંતુ તેણમે પોતાની રમતની પિતાને શ્રદ્ધાંજલિ આપી. તમે પણ હિંમત ન હારો. એમસી મેરીકોમને પીએમ મોદીએ તેના પસંદગીના પંચ અને ખેલાડીનું નામ પૂછ્યુ. મેરીકોમે જણાવ્યુ કે, તેને હુક પંચ લગાવવો ખુબ પસંદ છે સાથે મોહમ્મદ અલીથી તેને ઘણી પ્રેરણા મળી છે.
પીએમ મોદીએ પીવી સિંધુને પૂછ્યો સવાલ
રિયો ઓલિમ્પિક પહેલા તમારો ફોન લઈ લેવામાં આવ્યો હતો, આઈસક્રીમ ખાવા પર પ્રતિબંધ હતો, શું આ વખતે પણ કોઈ પ્રતિબંધ લાગ્યો છે. આ સવાલ પર શટલર પીવી સિંધુએ હસ્તા-હસ્તા એક ખેલાડી માટે ફિટનેસના મહત્વ પર પ્રકાશ પાડ્યો હતો.
126 ભારતીય એથલીટ લેશે ભાગ
18 રમતોના 126 એથલીટ ભારત તરફથી ટોક્યોમાં જશે. આ ભારત તરફથી કોઈપણ ઓલિમ્પિકમાં ભાગ લેનારા એથલીટોની અત્યાર સુધીની સૌથી વધુ સંખ્યા છે.
અમદાવાદની ઇલાવેનિલ સાથે PM મોદીએ મણીનગરની યાદ વાગોળી
પ્રધાનમંત્રીના સંવાદમાં અમદાવાદની મણીનગરની પુત્રી ઇલાવેનિલ પણ જોડાઈ હતી. પીએમ મોદીએ ઇલાવેનિલની જુની યાદો વાગોળી હતી. ઉલ્લેખનીય છે કે પ્રધાનમંત્રી મોદી ગુજરાતના મુખ્યમંત્રી કાર્યકાળમાં મણીનગરના ધારાસભ્ય રહી ચૂક્યા છે. ઇલાવેનિલની ટોક્યો ઑલ્મપિકમ માટે પસંદગી થઈ છે.
ગુજરાતની 6 દીકરીઓએ ભારતનું ગૌરવ વધાર્યુ
ખેલકૂદની દુનિયાના સૌથી મોટા મહાકુંભની ટૂંક સમયમાં શરૂઆત થવા જઈ રહી છે. કોરોના વાયરસ મહામારીની વચ્ચે ટોક્યોમાં ઓલમ્પિકનું આયોજન કરવામાં આવશે અને વર્ષોથી તૈયારી કરી રહેલા ખેલાડીઓ વચ્ચે પ્રતિસ્પર્ધા થશે. આ વખતે ઓલમ્પિકમાં ગુજરાતની નારી શક્તિના દર્શન થશે. ગુજરાતના આટલા વર્ષના ઈતિહાસમાં પહેલી વાર છ ખેલાડીઓ ભારતનું પ્રતિનધિત્વ કરવા જઈ રહ્યા છે અને તેમાંય એક સાથે છએ છ દીકરીઓ ક્વોલિફાઈ થઈ છે. એવામાં આવતીકાલે ભારતથી ક્વોલિફાઈ થનાર દરેક ખેલાડીઓ તથા તેમના મા-બાપ સાથે પીએમ મોદી વર્ચ્યુઅલ માધ્યમ સંવાદ કરવાના છે. ગુજરાતમાંથી ક્વોલિફાઈ થનાર દરેક પ્રતિસ્પર્ધીના માતાપિતા સંસ્કારધામ સ્પોર્ટ્સ એકેડેમીમાંથી જ પીએમ મોદી સાથે સંવાદમાં જોડાશે.