કાર્યવાહી / CM ભૂપેન્દ્ર પટેલ પાસે 1 કરોડની ખંડણી માગનાર બુટક મોરારીની અટકાયત, આવા વીડિયો બનાવતા પહેલા ચેતી જજો નહીંતર જેલભેગા થશો

• નશેડી-ગંજેડીઓ સોશિયલ મીડિયાનો કરે છે દુરુપયોગ 
• કોઈ પણ વ્યક્તિ ગમે તેવો વિડીયો બનાવી કરે છે વાઇરલ
• નેતા કે સરકારી અધિકારી સામે આવું થયું તો જેલભેગા 

દારૂ કે અન્ય કોઈ નશો કરીને કેટલાક લોકો નેતા, પોલીસ અધિકારી તેમજ સરકારી અધિકારીઓને ગાળો બોલતો અથવા તો ધમકી આપતો વિડીયો  બનાવીને સોશિયલ મીડિયામાં વાઇરલ કરતા હોય છે. આવો જ એક વિડીયો ગઈકાલે સોશિયલ મીડિયા વાઈરલ થયો હતો. જેમાં બનાસકાંઠાના વાવના કથાકાર બટુક મોરારીએ ગુજરાતના મુખ્યપ્રધાન ભૂપેન્દ્ર પટેલ પાસેથી એક કરોડ રૂપિયાની ખંડણી માગી છે. આ ઘટના બાદ પોલીસ એક્શન મોડમાં આવી ગઇ છે.

ધમકી આપનાર કથાકાર બટુક મોરારી બાપુની અટકાયત

CM ભુપેન્દ્ર પટેલને સોશિયલ મીડિયા પર ધમકી આપનાર કથાકાર બટુક મોરારી બાપુની LCBએ અટકાયત કરી છે. રેવદરના દાંતરાઈ ગામ નજીકથી અટકાયત કરવામાં આવી છે. બનાસકાંઠા LCB અને વાવ-થરાદ પોલીસે સંયુક્ત કાર્યવાહી કરી છે. બટુક મોરારી બાપુએ સોશિયલ મીડિયા પર વીડિયો પોસ્ટ કર્યો હતો. વીડિયોમાં CM ભુપેન્દ્ર પટેલ પાસેતી રૂ.એક કરોડની માગ કરી હતી. રૂપિયા નહી પહોચાજતા અકસ્માતની ધમકી પણ ઉચ્ચારી હતી.

મુખ્યમંત્રીને શું આપી હતી ધમકી ?

સોશિયલ મીડિયા દિવસે ને દિવસે ખતરનાક બનતું જતું હોય તેવું લાગી રહ્યું છે, કારણ કે કોઈ પણ વ્યક્તિ ગમે તેવો વિડીયો  બનાવીને સોશિયલ મીડિયા  પર વાઇરલ કરતી હોય છે, જેના ઉપર લોકો મીમ્સ બનાવતા હોય છે. ગુજરાતના મુખ્યપ્રધાન ભૂપેન્દ્ર પટેલને11 દિવસની અંદર અને 7  તારીખ સુધીમાં એક કરોડ રૂપિયા મોકલાવી દેવાની ધમકી આપતો વિડીયો  વાવના રામકથાકાર બટુક મોરારી એ ઉતારીને સોશિયલ મીડિયામાં વાઇરલ કર્યો છે. બટુક  મોરારીએ  ધમકી આપી છે કે જો એક કરોડ નહીં મોકલાવો તો ગુજરાતમાં પટેલને રાજ નહીં કરવા દેવાની તેમજ મુખ્યપ્રધાનને અકસ્માતમાં માર્યા જશે તેવી ધમકી પણ આપી હતી. 

બટુક મોરારીએ  એકદમ તોછડી ભાષામાં રાજ્યના સીએમને ઉદ્દેશીને ધમકી આપી રહ્યા છે. તેમણે વીડિયોમાં જણાવ્યું હતું કે ગુજરાતના મુખ્યમંત્રી ભૂપેન્દ્રભાઈ પટેલ, હું રામકથાકાર બટુક મોરા‌રિ બોલી રહ્યો છું, વાવ-બનાસકાંઠા મહેશ ભગત, બટુક મોરારી .તેમણે પોતાનો મોબાઈલ પણ આપ્યો છે.

ભૂપેન્દ્ર પટેલને સોશિયલ મીરીયામાં  ધમકી મળી હોય તેવી કોઇ પહેલી ઘટના નથી, પરંતુ સરકારી અધિકારીઓ તેમજ પોલીસ અધિકારીઓને પણ ધમકી મળતી હોવાની અનેક ઘટનાઓ બની છે, જેમાં પોલીસે તમામને કાયદાનો પાઠ ભણાવ્યો છે. બે દિવસ પહેલાં કુબેરનગર વિસ્તારમાં રહેતા મનીષ નામના યુવકે સોશિયલ મીડિયામાં સરદારનગર પોલીસ અને એરપોર્ટ પોલીસને સંબોધીને વિડીયો  વાઈરલ કર્યો હતો.

સરદારનગરનો સટોડિયો કિપલ 

જ્યારે આ પહેલાં ક્રિકેટ સટ્ટામાં કરોડો રૂપિયા હારી જનાર ક‌િપલ નામના યુવકે સોશિયલ મીડીયામાં પોતાનો વીડીયો વાઇરલ કર્યો હતો, જેમાં તેણે ઉલ્લેખ કર્યો હતો કે મૈં અજ્જુ કે પાસ તીન કરોડ રૂપિયા હાર ગયા હૂં ઓર અભી મૈં સાઠ લાખ રૂપિયા જીતા હૂં, મેરે કો અજ્જુ નહીં દે રહા હૈ ઓર ધમકી દે રહા હૈ કી મેરા ભરણ રાજુ ગ‌િઠયા સાહબ કે પાસ જાતા હૈ ઓર કમિશનર શ્રીવાસ્તવ કે પાસ જાતા હૈ, મૈં તેરે કો એક રૂપિયા ભી નહીં દૂંગા તેમ કહીને આત્મહત્યા કરવાની ધમકી આપી હતી. 

માથા ફરેલી સોનુ ડાંગર 

આ સિવાય અમરેલીના એસપી નિર્લિપ્ત રાય અને મહિલા પીએસઆઈ અલ્પા ડોડિયાને સોશિયલ મીડિયા પર સોનુ ડાંગર નામની લેડી ડોને ધમકી આપીને ગાળો આપી હતી. તેણે વિડીયોમાં જણાવ્યું હતું કે અમરેલીના એસપી સાહેબ અને ડોડિયા મેડમને મારે એટલું જ કહેવાનું કે તમે 1000  ટકા હિન્દુનાં સંતાનો નથી. તમારે બંને લોકોએ તપાસ કરવી જોઈએ કે તમારું ડીએનએ શું છે. આ વી‌િડયો બાદ સોનુ ડાંગરની અમરેલી એલસીબીએ ઉદયપુરથી ધરપકડ કરી હતી. નેતા તેમજ પોલીસ અધિકારીઓની બદનામી થાય તેવા વિડીયો  જો સોશિયલ મીડિયામાં વાઈરલ કરવામાં આવશે તો પોલીસ સીધો તેમના વિરુદ્ધ ગુનો દાખલ કરશે અને જો કોઈ વ્યક્તિએ તેને આવો વિડીયો  ઉતારવા માટે પ્રોત્સાહન પણ આપ્યું હશે તો તેના વિરુદ્ધ કાર્યવાહી થશે. 

હવે આવી રીતે ભડાસ કાઢી તો જેલભેગા 

સેક્ટર-2 ના જોઇન્ટ કમિશનર ઓફ પોલીસ ગૌતમ પરમારે જણાવ્યું છે કે સોશિયલ મીડિયા માં આ પ્રકારના વિડીયો  વાઇરલ કરનાર વ્યક્તિના આરોપ સાચા છે કે ખોટા તેની પહેલાં ચકાસણી કરવામાં આવશે અને ત્યારબાદ જો તે ખોટા હશે તો તેના વિરુદ્ધ કાર્યવાહી કરવામાં આવશે. સામાન્ય રીતે નેતા, પોલીસ અને સરકારી બાબુઓ ઉપર પોતાની ભડાસ કાઢવા માટે સોશિયલ મી‌િડયાનો સહારો લેતા હોય છે, જેમાં ભડાસ કાઢનાર વ્યક્તિ દારૂ ઢીંચેલી હાલતમાં હોય છે કે પછી કોઇ અન્ય નશો કરેલો હોવાનું સામે આવ્યું છે.