સોશિયલ મીડિયા પર તાજેતરમાં એક વીડિયો વાયરલ થઈ રહ્યો છે. જેમાં એક પ્રેમિકા તેના બોયફ્રેન્ડને ધમકાવી રહી છે, જો કે, રસ્તે જતાં લોકો આ બધું જોઈ રહ્યા છે.
સોશિયલ મીડિયા પર વીડિયો વાયરલ
પ્રેમિકા તેના પ્રેમી પર અત્યાર કરી રહી હતી
ડિલિવરી બોયનો પિત્તો ગયો અને ઢીબી નાખી
ઓડિશાના ભુવનેશ્વરમાં ફૂડ ડિલિવરી બોય અને એક મહિલા સાથેની ખુલ્લેઆમ મારપીટનો એક વીડિયો સામે આવ્યો છે. એક રિપોર્ટ્સમાં જણાવ્યા અનુસાર, ઈન્દિરા ગાંધી પાર્કમાંથી બહાર આવ્યા બાદ એક યુવતીની તેના પ્રેમી વચ્ચે કંઈક બબાલ ચાલી રહી હતી. આ વીડિયોમાં યુવતી તેના બોયફ્રેન્ડ સાથે મનફાવે તે રીતે બોલતી હતી અને તેના પર પથ્થરાઓ વડે હુમલો પણ કરે છે.
યુવતીના પ્રેમીના ટોર્ચર દરમિયાન ત્યાં મોટી ભીડ એકઠી થઈ જાય છે, જેના પર તે ગુસ્સે થઈ જાય છે. લોકો દ્વારા તેની આવી હરકતનું રેકોર્ડિંગ કરતી વખતે, તેમની સાથે પણ બોલાચાલી કરે છે અને મોબાઇલ છીનવી લેવાનો પ્રયાસ કરે છે. આ દરમિયાન, ડિલિવરી બોય પણ ત્યાં આવે છે અને મામલામાં વચ્ચે પડી સમજાવાનો પ્રયાસ કરે છે, જેના પર યુવતી તેની સાથે પણ વળગી પડી અને બોલવા લાગી હતી.
Food Delivery boy who tried to intervene and pacify the matter, losses his cool after scolded by the girl, started beating the girl.
Case registered against both parties#Odisha@aajtak@IndiaTodaypic.twitter.com/DqINUglqH0
ડિલિવરી બોયની ધીરજનો અંત આવે છે અને તેનો પિત્તો જાય છે. બાદમાં તેણે પણ મારવાનું શરૂ કરી દીધું છે. વીડિયોમાં તેને ધક્કો મારતો, મુક્કો મારતો અને થપ્પડ મારતો જોઈ શકાય છે. આ જોઈને ત્યાંથી પસાર થતા રાહદારીઓ પણ આશ્ચર્યચકિત થઈ જાય છે. ભીડ દ્વારા રોકવા છતાં, ફૂડ ડિલિવરી બોય તેને થપ્પડ અને લાત ઘુસ્સા મારતો રહે છે. આખરે ત્યાં હાજર લોકો વચ્ચે પડી મામલો થાળે પાડવાની કોશિશ કરે છે.