તમારા કામનું / પ્રાઈવેટ ક્ષેત્રનાં કર્મચારીઓનો પગાર વધે તેવો નિર્ણય લેશે સરકાર? જાણો શું છે તૈયારી

• પગારદાર કર્મચારીઓ માટે મોટા ફેરફાર 
• કર્મચારીઓની ટેક હોમ સેલેરી ઘટી જશે 
• કર્મચારીઓની બેઝીક ન્યૂનતમ સેલેરીને વધી જશે

નવો વેજ કોડ લાગુ થયા બાદ પગારદાર કર્મચારીઓના જીવનમાં મોટા ફેરફાર થઈ શકે છે. સૌથી વધુ અસર તેમની સેલેરી પર પડવાની સંભાવના છે. અનુમાન લગાવવામાં આવી રહ્યો છે કે નવો વેજ કોડ લાગુ થયા બાદ કર્મચારીઓની ટેક હોમ સેલેરી ઘટી જશે. પરંતુ ચર્ચા એ વાતની પણ છે કે કર્મચારીઓની બેઝીક ન્યૂનતમ સેલેરીને વધારી શકાય છે. 

1 ઓક્ટોબરથી કર્મચારીઓ માટે શું બદલાશે? 
હકીકતે નવા વેજ કોડ નિયમો અનુસાર કંપની કર્મચારીની બેઝીક સેલેરી ટોટલ સેલેરી અથવા કોસ્ટ ટૂ કંપનીના 50 ટકા હોવી જોઈએ, તેનાથી ઓછી ન હોવી જોઈએ. હાલ મોટાભાગની કંપનીઓ કર્મચારીઓની બેઝીક સેલેરી ઓછી રાખે છે અને ભથ્થાની સંખ્યા વધારે રાખે છે. પરંતુ જેવો નવો વેજ કોડ લાગુ થશે હાલની સિસ્ટમ બિલકુલ બદલાઈ જશે. કંપનીઓને કર્મચારીઓની બેઝીક સેલેરી CTCના 50 ટકા અથવા તેનાથી વધારે રાખવાની રહેશે. જેથી 50 ટકામાં કર્મચારીઓને આપવામાં આવતા ભથ્થાઓ આવે.   

બેસિક સેલેરી વધારીને 21,000 રૂપિયા કરવાની માંગ 
એવામાં કર્મચારીઓના PF અને ગ્રેચ્યુટીમાં યોગદાન તો વધી જશે પરંતુ ટેક હોમ સેલેરી ઘટી જશે. લેબર કોડના નિયમને લઈને લેબર યુનિયન માંગ કરી રહ્યા હતા કે કર્મચારીઓને ન્યૂનતમ બેઝીક સેલેરી વધારીને 15000 રૂપિયામાંથી 21000 રૂપિયા કરવામાં આવવી જોઈએ. જો આમ થાય છે તો ખાનગી કંપનીઓમાં કામ કરનાર સેલેરીડ ક્લાસનું વેતન વધી  જશે. હાલના નિયમો અનુસાર, મંથલી 15 હજાર રૂપિયાથી વધારે સેલેરી મેળવનાર કર્મચારીઓ માટે PF જરૂરી નથી. જો સેલેરી 15,000 રૂપિયાથૂ વધારે છે તો વાસ્તવિક વેતન પર પીએફ યોગદાન કરવું નિયોક્તા અને કર્મચારીની તરફથી વોલિન્ટિયરી છે. મતલબ એ તે ઈચ્છે તો યોગદાન કરે અને ન ઈચ્છે તો ન કરે. 

નવો વેડ કોડ આ વર્ષે 1 એપ્રિલથી લાગુ કરવાની તૈયારી હતી.  પરંતુ તેને ટાળી દેવામાં આવ્યું. અમુક રાજ્યો પાસેથી લાગુ કરવાને લઈને હજુ તૈયારી નથી. પરંતુ હવે તેને ઓક્ટોમ્બરમાં લાગુ કરવામાં આવી શકે છે. જ્યારે નવો Wage Code લાગુ થશે તો કર્મચારીઓના સેલેરી સ્ટ્રક્ચરમાં મોટા ફેરફાર જોવા મળશે. સંસદે ઓગસ્ટ 2019ને ત્રણ લેબર કોડ ઈન્ડસ્ટ્રિયલ રિલેશન, કામની સુરક્ષા, હેલ્થ અને વર્કિંગ કંડીશન અને સોશિયલ સિક્યોરિટી સાથે જોડાયેલા નિયમોમાં ફેરફાર કર્યા હતા. આ નિયમ સપ્ટેમ્હર 2020એ પાસ થઈ ગયા હતા.