- ચારે બાજુ ફાલ્ગુની નાયરની ચર્ચા
- મહિલાએ જાતે ઉભી કરી કંપની
- IPOની શાનદાર લિસ્ટિંગ
બ્યુટી ઈ-કોમર્સ કંપની Nykaa IPOની જબરદસ્ત સફળતાથી તેની પ્રમોટર ફાલ્ગુની નાયરના દરેક જગ્યાએ વખાણ થઈ રહ્યા છે. શેર બજારમાં Nykaaની પેરેન્ટ FSN E-Commerce Ventures Ltdની શાનદાર લિસ્ટિંગ થઈ છે અને તેના કારણે ફાલ્ગુની પણ માલામાલ થઈ ગઈ છે. તે અમીરીના મામલામાં હવે બાયોકોનની કિરણ મજૂમદાર શો, હેવેલ્સના અનિલ રાય ગુપ્તા જેવા ઘણા વ્યાપારીઓ કરતા પણ ઉપર થઈ ગઈ છે.
નાયકામાં 50 ટકાથી વધારે ભાગીદારી
ફાલ્ગુની નાયર અને તેના પરિવારના ટ્રસ્ટ ઓફિસની નાયકામાં 50 ટકાથી વધારે ભાગીદારી છે. તેમની સામુહિક સંપત્તિ હવે વધીને 54,831 કરોડ રૂપિયા થઈ ગઈ છે. આ આઈપીઓથી પહેલા નાયર અને તેના પરિવારની સંપત્તિ ફક્ત 27,962 કરોડ રૂપિયાના બરાબર હતી. નાયકાના પ્રમોટર્સમાં ફાલ્ગુની નાયરની ફેમિલી ટ્રસ્ટ, તેના પતિ સંજય નાયરની ફેમિલી ટ્રસ્ટ, તેના દિકરા, દિકરી અને માતા રશ્મિ મેહતાના ટ્રસ્ટ પણ શામેલ છે.
આ બિઝનેસમેનને છોડ્યા પાછળ
આ સંપત્તિના મામલામાં નાયર પરિવાર હવે Havellsના અનિલ રાય ગુપ્તા, Motherson Sumiના વિવેક ચંદ સહગલ, Maricoના હર્ષ મારીવાલા, આયશર (Eicher)ના સિદ્ધાર્થ લાલ અને Torrent Pharmaના સમીર મહેતાથી પણ આગળ થઈ ગયા છે. નાયર પરિવારે આ મામલામાં બાયોકોનની કિરણ મજુમદાર શો અને Apollo Hospitals ની રેડ્ડી સિસ્ટર્સને પણ પાછળ મુકી દીધા છે.
1,04,360.85 કરોડ રૂપિયાનું માર્કેટ કેપ
આઈપીઓ બાદ હવે નાયરની ફેમિલી ટ્રસ્ટની આ કંપનીમાં ભાગીદારી 22.04 ટકા રહી હઈ છે. તેના પતિના ટ્રસ્ટની 23.37 ટકા ભાગીદારી છે. લગભગ 1,04,360.85 કરોડ રૂપિયાના માર્કેટ કેપની સાથે નાયકા ભારતની ટોપ 100 લિસ્ટેડ કંપનીઓમાં શામેલ થઈ ગઈ છે.
વર્ષ 2012માં નાયકાની શરૂઆત
ફાલ્ગુની નાયરને હવે Bloomberg Billionaires Indexમાં જગ્યા મળી છે. આ ઉપલબ્ધિ અત્યાર સુધી ભારતની ફક્ત છ મહિલાઓને મળી છે. Bloombergએ તેમને ભારતની સૌથી ધની સેલ્ફ મેડ મહિલા વ્યાપારી ગણાવી છે. ઈનવેસ્ટમેન્ટ બેન્કરનું આકર્ષક કરિયર છોડીને ફાલ્ગુની નાયરે વર્ષ 2012માં નાયકાની શરૂઆત કરી હતી.
1600થી વધુ લોકોની ટીમનું નેતૃત્વ કરતા ફાલ્ગુનીએ એક બ્યૂટી અને લાઈફસ્ટાઈલ રિટેલ એમ્પાયર નાયકાનું નિર્માણ કર્યું છે. જે પોતાના ખાનગી લેવલ સહિત 1500 પ્લસ બ્રાન્ડોના પોર્ટફોલિયોની સાથે ભારતના અગ્રણી બ્યૂટી રિટેલરના રૂપમાં ભરાવ્યા છે.
