ત્રણ સરકારી બેંકે બેંક ઑફ બરોડા, યૂનિયન બેંક ઑફ ઇન્ડિયા અને સિન્ડિકેટ બેંકે પોતાના ગ્રાહકોના ક્રેડિટ સ્કોરના આધાર પર લોન આપવાનું શરૂ કર્યું છે. સ્કોર જેટલો વધારે હશે, એટલી લોન સારી મળશે.
કેટલીક સરકારી બેંકોએ લોન આપવાની રીતમાં બદલાવ કર્યો
બેંક હવે લોન માટે સેલેરીની જગ્યા ક્રેડિટ સ્કોરને મહત્વ આપી રહી છે
જો તમે ઘર ખરીદવા માટે લોન લેવા ઇચ્છો છો તો તમારા માટે આ માહિતી મહત્વપૂર્ણ છે. કારણ કે કેટલીક સરકારી બેંકોએ લોન આપવાની રીતમાં બદલાવ કર્યો છે. બેંક હવે લોન માટે સેલેરીની જગ્યા ક્રેડિટ સ્કોરને મહત્વ આપી રહી છે. બેંક નવી હોમ લોન માટે ક્રેડિટ સ્કોરનો ઉપયોગ કરશે. જો તમારો ક્રેડિટ સ્કોર સારો હશે તો તમને હોમ લોન ઓછા વ્યાજ દરે મળશે.
આ ત્રણ બેંકોએ કરી શરૂઆત
ત્રણ સરકારી બેંક બેંક ઑફ બરોડા (Bank of Baroda), યૂનિયન બેંક ઑફ ઇન્ડિયા (Union Bank of India), સિન્ડિકેટ બેંક (Syndicate Bank) એ પોતાના નવા ગ્રાહકોના ક્રેડિટ સ્કોરના આધાર પર લોન આપવાનું શરૂ કર્યું છે. આ ત્રણ બેંકોએ ક્રેડિટ ઇન્ફોર્મેશન બ્યૂરો ઑફ ઇન્ડિયાથી મળેલા ક્રેડિટ સ્કોર સ્કોર સ્લેબના આધાર પર લોન આપશે.
1 ટકા સસ્તી મળશે લોન
નવા એક્સટર્નલ બેંચમાર્કિંગ વ્યવસ્થઆ હેઠળ, હવે બેંક ઑફ બરોડા નવી લોન જારી કરવા માટે સિબિલ સ્કોરની મદદ લેશે. જો કોઇ ગ્રાહકના કુલ ક્રેડિટ સ્કોર 900માંથી 760 અથવા એનાથી વધારે છે તો એમને 8.1 ટકાના વ્યાજ દરથી લોન મળશે. 725થી 759ની વચ્ચે ક્રેડિટ સ્કોર રહેવા પર લોન માટે વ્યાજ દર 8.35 ટકા નક્કી કરવામાં આવી છે, તો બીજી બાજુ 675 થી 724 ની વચ્ચે ક્રેડિટ સ્કોર રહેવા પર 9.1 ટકાનું વ્યાજ આપવું પડશે. આ પ્રકારે જોઇએ તો ન્યૂનતમ અને વધારે વ્યાજ દરોમાં 1 ટકાનું અંતર હશે, એવામાં જો કોઇ ગ્રાહકનો ક્રેડિટ સ્કોર સારો છે તો એ 1 ટકા ઓછા દર પર લોન લઇ શકે છે.
ક્રેડિટ સ્કોર ઘટી જવા પર વધી જશે પ્રીમિયમ
જો લોન લેનારનો ક્રેડિટ સ્કોર 760થી નીચે જતો રહે છે તો વ્યાજ આપવું પડશે. જો કોઇ ઉધારકર્તાનો સિબિલ સ્કોર 50 અંકથી વધારે ઘટી જાય છે તો સિન્ડીકેટ બેંકના પ્રીમિયમને વધારવાનો નિર્ણય કર્યો છે.
શું હોય છે ક્રેડિટ સ્કોર
ક્રેડિટ સ્કોરને સામાન્ય ભાષામાં સિબિલ સ્કોર પણ કહેવામાં આવે છે. ગ્રાહકનો સિબિલ સ્કોર ક્રેડિટ સૂચના રિપોર્ટનું 3 અંકીય સંખ્યાત્મક સારાંશ છે, જે પાછળના ક્રેડિટ વ્યવહાર અને પુનર્ભુગતાન ઇતિહાસ પર આધારિત હોય છે. એની રેન્જ 300 થી 900 સુધી હોય છે. સ્કોર જેટલો વધારે હશે, એટલી લોન સારી મળશે.