કેપ્સ્યુલમાં બેસીને અવકાશની સફરની આ ટ્રિપ માટે કંપની કેટલા પૈસા હશે તેને લઈ હજી કોઈ ખુલાસો નથી થયો પણ એવું માનવામાં આવે છે કે, તે વિદેશી કંપનીઓ કરતા સસ્તું હશે
હવે તમે પણ ઈન્ડિયન સ્પેસ કંપનીના કેપ્સ્યુલમાં બેસીને અવકાશની સફર કરી શકશો
આ ટ્રિપ માટે કંપની કેટલા પૈસા લેશે, તેનો ખુલાસો કરવામાં આવ્યો નથી
કેપ્સ્યુલમાં બેસી લોકો પૃથ્વીની સંપૂર્ણ ગોળાકાર અને તેની પાછળનો અંધકાર જોઈ શકશે
એક રિપોર્ટ મુજબ માત્ર ત્રણ વર્ષ પછી તમે ઈન્ડિયન સ્પેસ કંપનીના કેપ્સ્યુલમાં બેસીને અવકાશની સફર કરી શકશો. તમારે આ માટે ઈલોન મસ્ક કે જેફ બેઝોસની કંપનીને કરોડો રૂપિયા ચૂકવવા પડશે નહીં. મુંબઈ સ્થિત એક ખાનગી ભારતીય અવકાશ કંપની સ્પેસ ઓરા એરોસ્પેસ પ્રાઈવેટ લિમિટેડ તમને 2025માં અવકાશમાં લઈ જશે.આ ટ્રિપ માટે કંપની કેટલા પૈસા લેશે, તેનો ખુલાસો કરવામાં આવ્યો નથી. પરંતુ એવું માનવામાં આવે છે કે, તે વિદેશી કંપનીઓ કરતા સસ્તું હશે. સંભવિત રીતે તમે માત્ર 50 લાખ રૂપિયામાં એક કલાક માટે અંતરિક્ષમાં મુસાફરી કરી શકશો.
સ્પેસ ઓરા આ પ્રોજેક્ટ પર ISRO અને ટાટા ઇન્સ્ટિટ્યૂટ ઑફ ફંડામેન્ટલ રિસર્ચ (TIFR) સાથે મળીને કામ કરી રહી છે. કંપની એક કેપ્સ્યુલ બનાવી રહી છે જે 10 ફૂટ લાંબી અને 8 ફૂટ પહોળી હશે. આમાં છ લોકો અવકાશમાં મુસાફરી કરી શકશે. કેપ્સ્યુલને મોટા બલૂનની મદદથી પૃથ્વીથી 35 કિમી ઉપર લઈ જવામાં આવશે. આ ઊંચાઈ પરથી કેપ્સ્યુલમાં બેઠેલા લોકો પૃથ્વીની સંપૂર્ણ ગોળાકાર અને તેની પાછળનો અંધકાર જોઈ શકશે.
કેપ્સ્યુલને અપાયું "SKAP 1" નામ
સ્પેસ ઓરાએ આ કેપ્સ્યુલને SKAP 1 નામ આપ્યું છે. તાજેતરમાં યોજાયેલા આકાશ એલિમેન્ટ્સ એક્ઝિબિશનમાં તે બતાવવામાં આવ્યું હતું. કંપનીના સીઈઓ અને ફાઉન્ડર આકાશ પોરવાલે કહ્યું કે, અમે 2025માં લોકોને અવકાશની યાત્રા કરાવીશું. લોન્ચ માટે દેશમાં બે સ્થળોની પસંદગી કરવામાં આવી છે. એક મધ્યપ્રદેશમાં છે અને બીજું કર્ણાટકમાં છે. જ્યાંથી લોકાર્પણ કરવામાં આવશે તેનો નિર્ણય પણ ટૂંક સમયમાં લેવામાં આવશે.
Unveiling of Space Aura - Space Tourism from India for the world at BSX. Here are the glimpses of the 3-day event in Bangalore. Received an overwhelming response. It’s just the beginning.
આ સાથે આકાશ પોરવાલે કહ્યું કે, અમે અમારા પ્રોજેક્ટમાં ISRO અને ટિફરની મદદ લઈ રહ્યા છીએ. તેમના નિષ્ણાતો અમારા આ મિશનને પૂર્ણ કરવા માટે સખત મહેનત કરી રહ્યા છે. કેપ્સ્યુલ ખૂબ જ આધુનિક છે. તેમાં જીવન બચાવનારા ઉપકરણો હશે. અત્યાધુનિક કોમ્યુનિકેશન સિસ્ટમ હશે. એક હિલીયમ ઉડતું બલૂન તેને અવકાશમાં લઈ જતી કેપ્સ્યુલની ટોચ પર લગાવવામાં આવશે. અવકાશમાં ગયા પછી આ બલૂન ધીમે ધીમે વિસ્ફોટ કરવાનું શરૂ કરશે. નીચે આવતા સમયે કેપ્સ્યુલની ઉપરનું પેરાશૂટ ખુલશે. જેથી મુસાફરી કરી રહેલા લોકો સુરક્ષિત રીતે ઉતરી શકે.
આકાશ પોરવાલ કહે છે કે, અમે ભારતીય વિજ્ઞાન, સંસ્કૃતિને વિશ્વના લોકો સમક્ષ રજૂ કરવા માંગીએ છીએ. અમે સ્પેસએક્સ અને બ્લુ ઓરિજિનથી સસ્તી મુસાફરી કરીશું. આ સ્પેસ ફ્લાઈટની કિંમત હજુ નક્કી કરવામાં આવી નથી પરંતુ તે 50 લાખ રૂપિયાની આસપાસ હોઈ શકે છે.