- RBIએ UPI દ્વારા Rupay ક્રેડિટ કાર્ડ પેમેન્ટની મંજૂરી આપી
- ક્રેડિટ કાર્ડ દ્વારા ચૂકવણી કરવી સસ્તી અને સરળ બનશે
- મોનેટરી પોલિસી રિવ્યુ પ્રેસ કોન્ફરન્સમાં કરી આની જાહેરાત
ભારતીય રિઝર્વ બેંક (RBI)એ એક બાજુ સામાન્ય જનતા પર લોનનો બોજ વધાર્યો છે. બીજી તરફ મોટી રાહત પણ આપવામાં આવી છે. આરબીઆઈએ ક્રેડિટ કાર્ડ્સને UPI (યુનિફાઈડ પેમેન્ટ ઈન્ટરફેસ) સાથે લિંક કરવાની જાહેરાત કરી છે. તેની શરૂઆત રુપે ક્રેડિટ કાર્ડથી કરવામાં આવી છે. RBI ગવર્નર શક્તિકાંત દાસે આજે UPI દ્વારા રુપે ક્રેડિટ કાર્ડ પેમેન્ટની મંજૂરી આપી છે. શક્તિકાંત દાસે નાણાકીય નીતિ સમીક્ષા પ્રેસ કોન્ફરન્સમાં આ જાહેરાત કરી હતી.
અત્યારે કઈ સુવિદ્યા ઉપલબ્ધ છે
તમને જણાવી દઈએ કે હાલમાં, UPI યુઝર્સ ડેબિટ કાર્ડ દ્વારા બચત અથવા ચાલુ ખાતાને લિંક કરીને વ્યવહારોની સુવિધા આપે છે. શક્તિકાંત દાસે જણાવ્યું હતું કે નવી વ્યવસ્થા ગ્રાહકોને UPI પ્લેટફોર્મ દ્વારા ચૂકવણી કરવા માટે વધુ તકો અને સગવડ પૂરી પાડશે તેવી અપેક્ષા છે. RBIના ગવર્નર શક્તિકાંત દાસે કહ્યું કે હાલમાં યુપીઆઈ પ્લેટફોર્મ પર 26 કરોડથી વધુ વપરાશકર્તાઓ અને 50 મિલિયન વેપારીઓ સંકળાયેલા છે. એકલા મે 2022માં 10.40 લાખ કરોડ રૂપિયાના 594.63 કરોડ વ્યવહારો UPI દ્વારા થયા હતા.
RBIએ શું કહ્યું?
શક્તિકાંત દાસે એમ પણ કહ્યું કે સેન્ટ્રલ બેંક અર્થતંત્રને મજબૂત કરવા માટે પૂરતી તરલતા અથવા રોકડની ઉપલબ્ધતા સુનિશ્ચિત કરશે. તેમણે કહ્યું,“આગામી સમયમાં, મહામારીને કારણે આપવામાં આવેલી વધારાની રોકડને કેટલાક વર્ષોમાં સામાન્ય સ્થિતિમાં લાવવામાં આવશે. જો કે, બીજી બાજુએ કેન્દ્રીય બેંક ખાતરી કરશે કે અર્થતંત્રની ઉત્પાદક જરૂરિયાતો માટે પૂરતી રોકડ ઉપલબ્ધ રહે.આ ઉપરાંત, શહેરી સહકારી બેંકોને અનુસૂચિત બેંકોની જેમ ગ્રાહકોના ઘરઆંગણે બેંક સાથે જોડાયેલ સુવિધાઓનો વિસ્તાર કરવાની મંજૂરી આપવાનો પ્રસ્તાવ મૂકવામાં આવ્યો છે,
RBIના મહત્વના નિર્ણયો
રિઝર્વ બેંક ઓફ ઈન્ડિયાના ગવર્નર શક્તિકાંત દાસ દ્વારા બૂધવારે રજૂ કરાયેલ વર્તમાન નાણાકીય વર્ષ માટેની ત્રીજી દ્વિમાસિક નાણાકીય સમીક્ષાની હાઈલાઈટ્સ અહીં છે:
- રેપો રેટ 0.50 ટકા વધીને 4.9 ટકા થયો. પાંચ સપ્તાહમાં રેપો રેટમાં આ બીજો વધારો છે.
- ચાલુ નાણાકીય વર્ષ માટે ફુગાવાનો અનુમાન 5.7 ટકાથી વધારીને 6.7 ટકા કરવામાં આવ્યો છે.
- 2022-23 માટે આર્થિક વૃદ્ધિનું અનુમાન 7.2 ટકા પર યથાવત છે.
- ક્રેડિટ કાર્ડ UPI સાથે લિંક કરવામાં આવશે. પહેલા રુપે ક્રેડિટ કાર્ડ ઉમેરવામાં આવશે.
- ગ્રામીણ સહકારી બેંકોને વાણિજ્યિક રિયલ એસ્ટેટ ક્ષેત્રને ધિરાણ આપવાની મંજૂરી આપવી.
- શહેરી સહકારી બેંકો ઘરઆંગણે બેંકિંગ સેવાઓ પૂરી પાડી શકશે.
- ઇલેક્ટ્રોનિક માધ્યમો દ્વારા નિયમિત અંતરાલ પર આવશ્યક સેવાઓ માટે સ્વચાલિત ચૂકવણી 5,000 રૂપિયાથી વધીને 15,000 રૂપિયા થઈ ગઈ છે.
