તમારા કામનું / મોદી સરકારે બદલી કાઢ્યો આ મોટો નિયમ, હવે રસોડામાં તમને પડતી આ તકલીફ થઈ જશે દૂર

• મોદી સરકારની નવી સ્કીમ
• ગેસ ડિસ્ટ્રીબ્યુટર જાતે પસંદ કરવાની આઝાદી
• જાણો ગ્રાહકોએ શું કરવાનું? 

કેન્દ્ર સરકાર ગ્રાહકોની સુવિધાને વધારવા માટે સતત કામ કરી રહી છે. આ કડીમાં હવે રાંઘણ ગેસ કસ્ટમર્સને LPG સિલિન્ડર ભરાવવા માટે ગેસ ડિસ્ટ્રીબ્યુટર જાતે પસંદ કરવાની આઝાદી મળી ગઈ છે. જણાવી દઈએ કે અત્યાર સુધી ફક્ત નક્કી ડિસ્ટ્રીબ્યુટર પાસેથી જ ગેસ સિલિન્ડર ભરાવી શકાતુ હતું. હવે ઈન્ડિયન ઓઈલ કોર્પોરેશન (LOC)એ એલપીજી સિલિન્ડરની બુકિંગ માટે નવી વ્યવસ્થા શરૂ કરી છે. જે હેઠળ ગ્રાહક ટેલિકોમ સર્વિસ પ્રોવાઈડર્સની જેમ એલપીજી ગેસ ડિસ્ટ્રીબ્યુટર (LPG Distributor)ની સર્વિસ પસંદ ન આવવા પર ઈચ્છે ત્યારે રિફિલ પોર્ટેબિલિટીનો ફાયદો લઈ શકે છે. તેના માટે ઈન્ડિયન ઓઈલે 'વન એપ' (one app) નામથી મોબાઈલ એપ બનાવી છે. 

રેટિંગ ખરાબ હોવા પર ગ્રાહક બુકિંગ વખતે બદલી શકશે ડિસ્ટ્રીબ્યુટર 
રાંઘણ ગેસ ઉપભોક્તા એપ ઉપરાંત ઈન્ડિયન ઓઈલની ઓફિસયલ વેબસાઈટ cx.indianoil.in પર જઈને પણ એલપીજી સિલિન્ડર ડિસ્ટ્રીબ્યુટરની પસંદગી કરી શકે છે. આ લિંક પર ક્લિક કર્યા બાદ ગ્રાહક પોતાના હિસાબથી રિફિલ ડિસ્ટ્રીબ્યુટરની પસંદગી કરી શકે છે. એપ અને વેબસાઈટ બન્ને પર ગ્રાહકોને પોતાના ક્ષેત્રના ડિસ્ટ્રીબ્યુટર્સની સંપૂર્ણ લિસ્ટની સાથે જ સર્વિસને લઈને બીજા ગ્રાહકોની તરફથી આપવામાં આવતી રેટિંગની પણ જાણ થઈ જશે.

એમાં જો ડિસ્ટ્રીબ્યુટરની રેટિંગ ખરાબ હશે તો ગ્રાહક સરળતાથી બીજા રાંધણ ગેસ ડિસ્ટ્રીબ્યુટરની પસંદગી કરી શકે છે. આઈઓસીના જણાવ્યા અનુસાર, ગ્રાહક બુકિંગ સમયે જ પસંદગીના ડિસ્ટ્રીબ્યુટરની પસંદગી કરી શકે છે. જણાવી દઈએ કે જો તમારૂ ગેસ કનેક્શન કોઈ બીજી કંપની સાથે છે તો તમારે તેની એપ અથવા વેબસાઈટથી બુક કરાવવા પર કંપનીના ડિસ્ટ્રીબ્યુટર પાસેથી જ સિલિન્ડર મળશે. 

Choose your #Indane distributor for refill delivery!

Avail the refill portability option when booking your refill through IndianOil One app or https://t.co/EUYfUjktKB to choose your preferred #Indane distributor based in your area, every time you book your refill ! pic.twitter.com/WduZdSvPBE

— Indian Oil Corp Ltd (@IndianOilcl) September 7, 2021

ગ્રાહક કઈ રીતે કરી શકે છે રસોઈ ગેસ સિલિન્ડરની બુકિંગ? 

• મોબાઈલ એપ અથવા આઈઓસીના પોર્ટલ પર જઈને લોગઈન કરો. 
• ત્યાર બાદ એલપીજી ડિસ્ટ્રિબ્યુટર્સની સંપૂર્ણ લિસ્ટ અને રેટિંગ જોવા મળશે. 
• પસંદગીના ડિસ્ટ્રીબ્યુટરના નામ પર ક્લિક કરો. 
• ત્યાર બાદ માંગવામાં આવેલી વિગતો ભરવા પર સિલિન્ડર બુક થઈ જશે. 
• સરકારી એપ ઉમંગ દ્વારા પણ રિફિલ બુકિંગ કરી શકો છો. 
• ભારત બિલ પે સિસ્ટમ એપ દ્વારા રિફિલ બુકિંગનું પેમેન્ટ કરી શકાય છે. 
• આ ઉપરાંત એમેઝોન અને પેટીએમથી પણ પેમેન્ટ કરી શકાય છે.