ક્વોન્ટમ ટેકનિકના ક્ષેત્રમાં રાજ કરવાની ચળવળમાં જોડાયું ભારત ,જેથી ભારત ભાવિ પેઢીની આ ટેકનિકના ક્ષેત્રમાં અનુસંધાન કાર્યો પર આગામી પાંચ વર્ષમાં 8000 કરોડ રૂપિયા ખર્ચશે. વર્ષ 2020-21ના સામાન્ય બજેટમાં નાણાંપ્રધાન નિર્મલા સીતારમને ક્વોન્ટમ ટેકનિક અને એપ્લિકેશન પર રાષ્ટ્રીય મિશનની જાહેરાત કરી હતી. ક્વોન્ટમ ટેકનિકનાં ક્ષેત્રમાં અપાર શક્યતાઓ છે. ક્વોન્ટમ કમ્પ્યૂટિંગથી ગણતરી કરવાની સંપૂર્ણ પ્રક્રિયા બદલાઇ જશે.
ભારત; અમેરિકા, રશિયા અને ચીન સાથે ક્લબમાં સામેલ થયું
ક્વોન્ટમ એપ્લિકેશનથી સંપૂર્ણ રીતે બદલાઈ જશે કમ્પ્યૂટિંગ
દુનિયામાં ક્વોન્ટમ ટેકનિક ધરાવતો ચોથો દેશ ભારત
વિજ્ઞાન અને ટેકનિક વિભાગને એક મહિનાની અંદર રાષ્ટ્રીય મિશનની વિસ્તૃત રૂપરેખા તૈયાર કરવાની છે. વિભાગ આગામી ચાર-પાંચ વર્ષની અંદર 50 ક્યુબિટ્સનું સ્વદેશી ક્વોન્ટમ કમ્પ્યૂટર પર કામ કરવાની તૈયારી કરી રહ્યો છે. આ મિશન હેઠળ ક્વોન્ટમ કોમ્યુનિકેશન્સ માટે સોલ્યુશન સ્ટોરેજ અને ઇન્ક્રીપ્શન પણ તૈયાર કરવાનું છે.
ક્વોન્ટમ ટેકનિક પર હજુ અમેરિકા, રશિયા અને ચીનમાં કામ થઇ રહ્યું છે. આ વિઘટનકારી ટેકનિકનો ઉપયોગ સેકન્ડોમાં કોઇ પણ સાયબર સુરક્ષા પ્રણાલીને હેક કરવા કરી શકાય છે. તેને જોતાં આ તકનિક દેશની રણનીતિક જરૂરિયાત બની ગઇ છે.
ભારતને શું ફાયદો થશે?
જે ગણતરી કરવામાં અત્યારે સૌથી તેજ કમ્પ્યૂટરને હજારો વર્ષો લાગે છે તેના કરતાં ક્વોન્ટમ ટેકનિક પર આધારિત પ્રોસેસર થોડી જ સેકન્ડો લેશે. ક્વોન્ટમ એપ્લિકેશનથી સંપૂર્ણ રીતે બદલાઈ જશે કમ્પ્યૂટિંગ સિસ્ટમ સુપર કમ્પ્યૂટર કરતાં પણ હજાર ગણી ઝડપથી ગણતરી થશે.
આ ટેકનિક આર્ટિફિશિયલ ઇન્ટેલિજન્સ કરતાં પણ ખૂબ આગળની ટેકનિક છે. આ પહેલાં વણઉકેલી સમસ્યાઓ માટે તેનો ઉપયોગ કરાશે. તેનાથી તેનો ઉકેલ પણ થોડી જ સેકન્ડમાં મળી જશે. સાઇબર સિક્યોરિટી સાથે જોડાયેલા નિષ્ણાતોનું કહેવું છે કે ક્વોન્ટમ ટેકનિકથી દેશ પોતાની સિસ્ટમને સુરક્ષિત રાખતા બીજાના સૌથી સુરક્ષિત નેટવર્કને ડિકોડ પણ કરી શકે છે.
મેડિકલ અને કૃષિ ક્ષેત્રમાં ક્રાંતિકારી પરિવર્તન આવશે
ક્વોન્ટમ ટેકનિકથી મેડિકલ, કૃષિ, અંતરિક્ષ અને અંતરિક્ષ એન્જિનિયરિંગ ક્ષેત્રે ક્રાંતિકારી પરિવર્તન આવશે. ઉદાહરણ તરીકે કોઇ પણ દવા શોધાયા બાદ તેને બજારમાં લાવવાનો સમય 10 વર્ષથી ઘટાડીને બે દિવસનો થઇ જશે. જે દેશ પાસે આ ટેકનિક પહેલા આવશે તે આર્થિક રીતે માલામાલ થશે અને તેનો એકાધિકાર પણ થઇ જશે.