- જન્મ પ્રમાણ પત્રની સાથે આધાર નંબર પણ મળશે
- થોડા મહિનામાં બધા રાજ્યોમાં આ સુવિધા શરૂ થશે
- આધારના વધતા ઉપયોગને જોઈને સરકારે આ નિર્ણય કર્યો
બાળકને જન્મ પ્રમાણ પત્રની સાથે આધાર નંબર પણ મળી જશે
પાંચ વર્ષની ઉંમર સુધીના બાળકોની બાયોમેટ્રીક જાણકારી લેવામાં આવતી નથી. નવજાત શિશુઓના જન્મ પ્રમાણપત્રની સાથે તેના આધાર નંબર રજીસ્ટ્રેશનની સુવિધા આગામી થોડા મહિનામાં બધા રાજ્યોમાં મળવાની આશા છે. સરકારી સુત્રોએ આ જાણકારી આપી છે. આ સુવિધા શરૂ થવાથી બાળકને જન્મ પ્રમાણ પત્રની સાથે આધાર નંબર પણ મળી જશે. ત્યારબાદ આધાર બનાવવાની મુશ્કેલીઓમાંથી છૂટકારો મળશે. આધારના વધતા ઉપયોગને જોઈને સરકારે આ નિર્ણય કર્યો છે.
બંને કાગળ એકસાથે મળી જશે
જો કે, નવજાત બાળકોના આધાર રજીસ્ટ્રેશનની સુવિધા 16 રાજ્યોમાં મળી રહી છે. આ પ્રક્રિયા 1 વર્ષ પહેલા શરૂ થઇ હતી અને જેમાં ધીમે-ધીમે રાજ્ય જોડાતા ગયા. બાકી રાજ્યોમાં પણ આ દિશામાં કામ ચાલી રહ્યું છે. અત્યાર સુધી એવુ હતુ કે બાળકના જન્મ સમયે જન્મ પ્રમાણ પત્ર બને છે અને બાદમાં આધાર બનાવવામાં આવે છે. આ એક રીતે ડબલ કામ થાય છે. જેમાં સમયની બરબાદી થાય છે. પરંતુ હવે બંને કામ એકસાથે થશે અને બંને કાગળ એકસાથે મળી પણ જશે.
થોડા મહિનામાં બધા રાજ્યોમાં આ સુવિધા શરૂ થશે
યુનિક આઈડેન્ટિફિકેશન ઓથોરિટી ઓફ ઈન્ડિયાને આશા છે કે આગામી થોડા મહિનામાં બધા રાજ્યોમાં આ સુવિધા શરૂ થશે. જેનાથી એવા લોકોને સરળતા રહેશે કે જેના ઘરમાં કોઈ બાળકનો જન્મ થયો હોય. પાંચ વર્ષની ઉંમર સુધીના બાળકોની બાયોમેટ્રીક જાણકારી લેવામાં આવતી નથી. જ્યારે બાળકની ઉંમર પાંચ અને પછી 15 વર્ષ થાય છે ત્યારે આ જાણકારીને અપડેટ કરી શકાય છે. નાના બાળકોના આધાર કાર્ડ તેના માતા-પિતાના આધાર સાથે જોડીને જોવામાં આવે છે. બાળકો જ્યારે થોડા મોટા થાય છે અને ફિંગર પ્રિન્ટ જેવી નિશાની કેપ્ચર કરવા લાયક હોય છે ત્યારે તેના બાયોમેટ્રીક લેવામાં આવે છે. જેનાથી આધારને અપડેટ કરી શકાય છે.
જન્મ રજીસ્ટ્રેશનની કોમ્પ્યુટર આધારિત પ્રણાલી જરૂરી
સુત્રો મુજબ સરકારનો ઉદ્દેશ્ય આ નક્કી કરવાનો છે કે જન્મ પ્રમાણ પત્રની સાથે બાળકોના આધાર પણ જાહેર કરી દેવામાં આવે અને તેના માટે યુઆઈડીએઆઈ સતત કામ કરી રહ્યું છે. સુત્રોએ જણાવ્યું કે આ પ્રક્રિયા માટે જન્મ રજીસ્ટ્રેશનની કોમ્પ્યુટર આધારિત પ્રણાલીની જરૂરી છે અને જે રાજ્યોમાં આ ઉપલબ્ધ છે તેમાં આ સુવિધા શરૂ કરવામાં આવી રહી છે. ઘણા રાજ્યોમાં આ પાયલોટ પ્રોજેક્ટ તરીકે કામ ચાલી રહ્યું હતુ. પરંતુ તેની સફળતાને જોઈને તેને વધુ આગળ વધારવામાં આવે છે.
