Exam Date / મોટા સમાચાર! UGC NET 2023 સેશનની તારીખો પણ જાહેર, જાણો ક્યારથી શરૂ થશે પરીક્ષા

 

• UGC NET જૂન 2023 માટે નોટિફિકેશન જારી
• જૂન 2023 સેશનની પરીક્ષા 13 જૂનથી શરૂ થશે
• 29 ડિસેમ્બરથી શરૂ થઈ ગઈ છે રજિસ્ટ્રેશન પ્રક્રિયા 

નેશનલ ટેસ્ટિંગ એજન્સી દ્વારા UGC NET જૂન 2023 માટે નોટિફિકેશન જારી કરવામાં આવ્યું છે. યુજીસીના ચેરમેન એમ જગદીશ કુમારે આ માહિતી આપી છે. આવી સ્થિતિમાં જે વિદ્યાર્થીઓ આગામી સેશનની UGC NET પરીક્ષામાં સામેલ થવા માંગે છે તેઓ સત્તાવાર વેબસાઇટ ugcnet.nta.nic.in પર જઈને વિગતો ચકાસી શકે છે. જાહેર કરાયેલ નોટિફિકેશન અનુસાર, જૂન 2023 સેશનની પરીક્ષા 13 જૂનથી 22 જૂન, 2023 દરમિયાન લેવામાં આવશે. આપને જણાવી દઈએ કે, ડિસેમ્બર 2022 સેશન માટે રજિસ્ટ્રેશન પ્રક્રિયા 29 ડિસેમ્બરથી શરૂ થઈ ગઈ છે.

મીડિયા રિપોર્ટ્સ અનુસાર, UGC NET પરીક્ષા માટે રજિસ્ટ્રેશન પ્રક્રિયા મે 2023થી શરૂ થઈ શકે છે. UGC તરફથી ડિસેમ્બર 2022 સેશન માટેની અરજી પ્રક્રિયા 29 ડિસેમ્બરથી 17 જાન્યુઆરી, 2023 સુધી ચાલશે. જ્યારે પરીક્ષા 21 ફેબ્રુઆરીથી લેવામાં આવશે.

UGC NET જૂન પરીક્ષાની તારીખો જાહેર 

UGC NET is conducted twice every year by National Testing Agency (NTA) in June & December every year. This is to inform the prospective applicants that the first UGC NET June 2023 Cycle will be conducted from 13 to 22 June 2023: UGC Chairman M Jagadesh Kumar

— ANI (@ANI) December 30, 2022

ક્યારે આવશે રજિસ્ટ્રેશન ફોર્મ?

યુજીસી નેટ જૂન 2023ની પરીક્ષાની તારીખ જાહેર કરવામાં આવી છે. પરીક્ષા 13 જૂન 2023થી 22 જૂન 2023 દરમિયાન યોજાશે. આપને જણાવી દઈએ કે, પરીક્ષાની તારીખના 1 મહિના પહેલા રજિસ્ટ્રેશન પ્રક્રિયા શરૂ થાય છે. આવી સ્થિતિમાં એવું કહી શકાય કે જૂન 2023 સેશન માટે રજિસ્ટ્રેશન પ્રક્રિયા મે મહિનામાં શરૂ થઈ શકે છે.