શિક્ષણ વિભાગ / ગુજરાત યુનિવર્સિટીના કેમ્પસમાં 7 જગ્યાએ ચાલતા બાંધકામને લઈ AMC ફટકારી નોટિસ

• AMC એસ્ટેટ વિભાગે ગુજરાત યુનિ.ને ફટકારી નોટિસ
• મંજૂરી વિના બાંધકામ શરૂ કરતા ફટકારી નોટિસ
• યુનિવર્સિટી કેમ્પસમાં 7 જગ્યાએ બાંધકામ ચાલી રહ્યાં છે

અમદાવાદમાં AMC એસ્ટેટ વિભાગે ગુજરાત યુનિવર્સિટીને નોટિસ ફટકારી છે. મંજૂરી વિના બાંધકામ શરૂ કરતા નોટિસ ફટકારવામાં આવી છે. યુનિવર્સિટી કેમ્પસમાં 7 જગ્યાએ બાંધકામ ચાલી રહ્યાં છે. જેને લઈને AMC પશ્ચિમ ઝોન એસ્ટેટ વિભાગે નોટિસ મોકલી છે. બાંધકામ માટે મંજૂરી લેવા માટે જાણ કરી છે. 7 બિલ્ડિંગની પરવાનગી અને અધિકૃત પુરાવા રજૂ કરવા નોટિસમાં ઉલ્લેખ કર્યો છે. 

ગુજરાત યુનિવર્સિટીના મેથેમેટિક વિભાગ, કેમેસ્ટ્રી વિભાગ, ડૉ. એ પી જે કલામ સાયન્સ ભવન, બોયઝ હોસ્ટેલનું બાંધકામ, ટેનિસ એકેડમી, ઇન્ડોર સ્ટેડિયમ તેમજ દાદા સાહેબના પગલા ચાર રસ્તા પાસે આવેલા લૉ વિભાગનું બાંધકામ મનપાની પરમિશન વગર થયું હોવાનું સામે આવી રહ્યું છે. જેમને નોટિસ આપી બાંધકામ મુદ્દે ખુલાસો કરવા જણાવ્યું છે. સમગ્ર મામલે ગુજરાત યુનિવર્સીટી રાજ્ય સરકારના જૂન પરિપત્રનો હવાલો આપી જણાવી રહ્યું છે કે, સરકારી સંકુલોમાં વિકાસના કામ માટે મંજૂરીની જરૂરત નથી.

યુનિવર્સિટી અને પોતાના બચાવમાં રાજ્ય સરકારના જૂના પરિપત્રનો હવાલો આપી રહ્યું, હોય પરંતુ મનપાના નિષ્ણાતોના જણાવ્યા મુજબ આવા સંકુલોમાં કોઈપણ પ્રકારના બાંધકામ માટે મહાનગરપાલિકાને જાણ કરવી જરૂરી છે. જે જાણ ગુજરાત યુનિવર્સિટીએ મનપાને કરી ન હતી. અને એના જ કારણે આવા પ્રકારની નોટિસો અપાઇ છે