અમદાવાદ / જુનિયર ક્લાર્ક પરીક્ષા: ST બસો ને ટ્રેન જ નહીં, રિક્ષા ચાલકોએ પણ વિદ્યાર્થીઓ માટે લીધો જોરદાર નિર્ણય, જાણીને કરશો સલામ

• આવતીકાલે જુનિયર ક્લાર્કની પરીક્ષા
• રિક્ષા ચાલકો આવ્યા આગળ
• પરીક્ષાર્થીઓને કેન્દ્ર સુધી પહોંચાડશે રિક્ષાચાલકો
• મુશ્કેલી ન પડે તે માટે કોલ નંબર જાહેર કર્યો

રાધનપુરમાં રીક્ષા ચાલકોનો માનવતા ભર્યો નિર્ણય કર્યો છે. જેમાં આવતીકાલે ક્લાર્કની પરીક્ષા આપવા જતા પરીક્ષાર્થીઓ માટે નિર્ણય કર્યો છે.  રીક્ષા ચાલકો પરીક્ષાર્થીઓને વિના મૂલ્યે કરાવશે મુસાફરી. પરીક્ષાર્થીઓને વિનામૂલ્યે મુકવા જશે પરીક્ષા કેન્દ્ર ઉપર. રાધનપુર પોલીસ અને રીક્ષા ચાલકો વચ્ચેની બેઠક બાદ નિર્ણય લેવાયો છે. 

રીક્ષા ચાલકો સ્વયંભુ નિઃશુલ્ક સેવા આપવાનો નિર્ણય લીધો 
આ બાબતે રાધનપુર પીઆઈએ જણાવ્યું હતું કે, આવતીકાલ રવિવાર તા. 9.4.2023 નાં રોજ યોજાનાર જુનિયર ક્લાર્કની પરીક્ષાને લઈને તેઓએ જણાવ્યું હતું કે પરીક્ષાર્થીઓને સમયસર પરીક્ષા સ્થળ પર પહોંચાડવા માટે રાધનપુરનાં રીક્ષા ચાલકો સ્વયંભુ નિઃશુલ્ક સેવા આપવાનો નિર્ણય લીધો છે. 
 પરીક્ષાર્થીઓ પાસેથી રેગ્યુલર અથવા ઓછું ભાડુ લેવાનો નિર્ણય

જુનિયર ક્લાર્કની પરીક્ષાને લઈ તંત્રની તમામ કામગીરીપૂર્ણ કરી દેવામાં આવી છે. પરીક્ષાર્થીઓને પરિવહનમાં સરળતા રહે  તે માટે કરાઈ વ્યવસ્થા. પરીક્ષાર્થીઓ માટે અમદાવાદના રિક્ષા ચાલકો આગળ આવ્યા છે.  પરીક્ષાર્થીઓને મુશ્કેલી ન પડે તે માટે કોલ નંબરો પણ જાહેર કર્યા છે. પરીક્ષાર્થીઓને મુશ્કેલી ન પડે તે માટે કોલ નંબરો જાહેર કર્યા છે.  પરીક્ષાર્થીઓ રિક્ષાચાલક એકતા યુનિયનના ફોન પર સંપર્ક કરી શકશે. કેન્દ્ર સુધી પહોંચાડવામાં પરીક્ષાર્થીઓને રિક્ષા ચાલકો મદદ કરશે. પરીક્ષાર્થીઓ પાસેથી રેગ્યુલર અથવા ઓછું ભાડુ લેવાનો  યુનિયન દ્વારા નિર્ણય કરવામાં આવ્યો છે. ત્યારે  આવતીકાલે અમદાવાદના મોટા સ્ટોપ પર યુનિયનના સભ્યો હાજર રહેશે.

પરીક્ષાર્થીઓ પાસેથી સરકારી ધારાધોરણ મુજબ પૈસા લેવામાં આવશે

આ બાબતે અમદાવાદનાં રીક્ષા ચાલકોએ જણાવ્યું હતું કે આવતીકાલનાં રોજ યોજાનારી જુનિયર ક્લાર્કની પરીક્ષાને લઈને રીક્ષા ચાલકો દ્વારા પરીક્ષાર્થીઓને સમયસર સરકારી ધારાધોરણ મુજબ પૈસા લઈને તેઓને નિયત સ્થળે રીક્ષા ચાલકો દ્વારા પહોંચાડવામાં આવશે.