માત્ર સૈફ નહીં આ પણ છે મારો ફર્સ્ટ અને લાસ્ટ લવ: કરીના કપૂર ખાન 

તાજેતરમાં મુંબઈમાં યોજાયેલા એક એવોર્ડ સમારોહમાં ટોચની અભિનેત્રી કરીના કપૂર ખાને કહ્યું હતું કે અભિનય મારી રગેરગમાં છે અભિનય સિવાય  હું બીજું કશું કલ્પી શકતી નથી. કરીના એવા પરિવારમાંથી આવે છે જે છેલ્લાં સાઠ સિત્તેર વર્ષથી અભિનય કરતો રહ્યો છે. 

કપૂર ખાનદાનની કરીના ચોથી પેઢીની અભિનેત્રી છે. વધુમાં તેણે કહ્યું હતું કે અમારા ખાનદાનમાં છેલ્લી ચાર પાંચ પેઢીથી અભિનય ચાલ્યો આવે છે બધાને લોહીમાં મળ્યો છે. એટલે થોડી સમજણ આવે એ સાથે અભિનયના ચટકા ભરવા માંડે છે. 



કરીનાએ કહ્યું કે 'અમે અભિનય સિવાય બીજું કશું કલ્પી શકતા જ નથી. માત્ર તે કરવાની અમને તીવ્ર ઇચ્છા પ્રગટે છે અને અભિનય કર્યા પછી જ અમને શાંતિ થાય છે. આ વ્યવસાયમાં અઢાર વર્ષ વીતી ગયા બાદ હવે બીજા કોઇ કામની કલ્પના પણ કરી શકાતી નથી. આ વ્યવસાયમાં અમે એડીથી ચોટી સુધી પહોંચી ગયા છીએ.'  



પોતાના સમય દરમિયાન મોટા ભાગના ટોચના લગભગ બધા જ કલાકારો સાથે કરીનાએ સંખ્યાબંધ હિટ ફિલ્મો આપી છે. કરીનાની અંગત જિંદગી વિશે બધા જાણે જ છે છતાં તમને જણાવીએ કે 'છોટે નવાબ'ના હુલામણા નામથી જાણીતા સૈફ અલી ખાન સાથે લગ્ન કર્યાં હતા. અને ગયા વર્ષના ડિસેંબરમાં એક પુત્ર તૈમુરની માતા બની હતી. કરીનાએ તેને મળી રહેલ એવોર્ડ વેશે જણાવતા કહ્યું હતું કે ફિલ્મી એવોર્ડ કરતાં આ એવોર્ડ વધુ મહત્ત્વનો છે કારણ કે હું જે રાજ્યમાં રહું છું એ રાજ્યના પ્રતિનિધિ તરીકેનો આ એવોર્ડ છે.