હિમવર્ષા / ઉત્તર ભારતમાં હિમવર્ષાથી હાલાકી, અનેક માર્ગ થયા બંધ અને ફ્લાઈટ્સ થઈ રદ, હવામાન વિભાગે કરી આ આગાહી

• ઉત્તરભારતમાં ભારે હિમવર્ષાથી હાલાકી
• હિમખંડે રોક્યો ચિનાબ નદીનો માર્ગો
• હિમાચલમાં હિમવર્ષાના કારણે 359 માર્ગો બંધ

લાહૌલ સ્પીતિમાં હિમખંડ ધસવાના કારણે ચિનાબ નદીનો પ્રવાહ રોકાઈ ગયો છે. હવામાન વિભાગના અનુસાર હવામાન તરફથી હજુ પણ હિમવર્ષા અને વરસાદ થવાની આગાહી કરવામાં આવી છે. તો બીજી તરફ શ્રીનગર એરપોર્ટથી તમામ ઉડાનો રદ કરી દેવામાં આવી છે. લાહૌલ સ્પીતિના ઠોલંગ ગામ નજીક વામતટના પહાડ પરથી મિજલી નાળામાં હિમખંડ પડવાથી ચિનાબ નદીનું વહેણ રોકાઈ ગયું છે. મંડી-કુલ્લુ નેશનલ હાઈવે પર ભૂસ્ખલનમાં સેંકડો સહેલાણીઓ ફસાઈ ગઈ છે. 

હવામાન વિભાગે કરી આ આગાહી

હવામાન વિભાગ તરફથી મળતી માહિતી અનુસાર પહાડોમાં બરફ જામી જવાથી અનેક વિસ્તારોમાં ઠંડી વધી શકે છે, ઉંચાઈ વાળા વિસ્તારોમાં શીતલહેરનો પ્રભાવ રહેશે. આ સાથે ઉંચાઈ વાળા વિસ્તારોમાં 2500 મીટરથી પણ વધારે બરફ પડી શકે છે અને નીચાણના વિસ્તારોમાં વરસાદની પણ સંભાવના છે. 16 જાન્યુઆરી સુધી ઉત્તરકાશી, રુદ્રપ્રયાગ, ચમોલી અને પિથોરાગઢમાં પણ વરસાદ અને બરફની શક્યતા છે.