નિર્ણય / ખાસ જરુરવાળા બાળકોને તરત લઈ શકાશે દત્તક, વેઈટિંગ પીરિયડ નહી લાગુ પડે- કેન્દ્રનું એલાન

• કેન્દ્રીય મહિલા અને બાળ વિકાસ મંત્રી સ્મૃતિ ઈરાનીનું નિવેદન
• ખાસ જરુરવાળા લોકો તરત લઈ શકે છે બાળકોને દત્તક
• આવા લોકોએ બાળકોને દત્તક લેવા માટે રાહ જોવાની જરુર નથી

સરકારે બુધવારે જણાવ્યું હતું કે, ખાસ જરુરવાળા તથા તાત્કાલિક પ્લેસમેન્ટ કેટેગરીમાંથી બાળકને દત્તક લેવા માગતા લોકો માટે કોઈ વેઈટિંગ પીરિયડ નથી તેઓ તાત્કાલિક પણ બાળકોને દત્તક લઈ શકશે. તાત્કાલિક પ્લેસમેન્ટ કેટેગરીમાં મોટાભાગે મોટા બાળકો સામેલ છે. 

પાંચ વર્ષથી વધુ ઉંમરના બાળકો માટે નિર્ણય 
તાત્કાલિક પ્લેસમેન્ટ કેટેગરીમાં એવા બાળકોનો સમાવેશ થાય છે જેમને ચાઇલ્ડ એડોપ્શન રિસોર્સ ઇન્ફર્મેશન એન્ડ ગાઇડન્સ સિસ્ટમ મારફતે સંભવિત દત્તક લેનારા માતા-પિતા (પીએપી)ને ઘણી વખત રિફર કરવામાં આવ્યા હોય પરંતુ હજુ સુધી તેમને માતાપિતા ન મળ્યાં હોય. આ બાળકો મોટાભાગે પાંચ વર્ષથી વધુ ઉંમરના હોય છે.

No waiting period for those who desire to adopt child having special needs and also from immediate placement category which includes mostly older children, govt tells Lok Sabha

— Press Trust of India (@PTI_News) December 14, 2022

છ વર્ષના બાળકોને દત્તક લેવાની લાંબી લાઈન 
લોકસભામાં એક પ્રશ્નના લેખિત જવાબમાં મહિલા અને બાળ વિકાસ પ્રધાન સ્મૃતિ ઇરાનીએ જણાવ્યું હતું કે છ વર્ષ સુધીના સામાન્ય બાળકને દત્તક લેવા માટે લાંબી કતાર છે, ત્યારે ખાસ જરૂરિયાતવાળા બાળકને દત્તક લેવાની ઇચ્છા ધરાવતા પીએપી અને તાત્કાલિક પ્લેસમેન્ટ કેટેગરીના (મોટે ભાગે મોટા બાળકો) ના બાળકને દત્તક લેવાની ઇચ્છા રાખતા પીએપી માટે કોઈ વેઈટિંગ પીરિયડ નથી. ઈરાનીએ કહ્યું કે 2021-22માં 1,698 છોકરીઓ સહિત 2,991 બાળકોને દત્તક લેવામાં આવ્યા હતા, જ્યારે 2020-21માં દેશમાં 1,856 છોકરીઓ સહિત 3,142 બાળકોને દત્તક લેવામાં આવ્યા હતા અને 2019-20માં 1,938 બાળકો સહિત 3,351 બાળકોને દત્તક લેવામાં આવ્યા હતા. અન્ય એક સવાલના જવાબમાં ઇરાનીએ જણાવ્યું હતું કે દેશમાં મિશન વાત્સલ્ય યોજના હેઠળ ભંડોળ પૂરું પાડવામાં આવતી સરકારી સંસ્થાઓ સહિત 2,245 ચાઇલ્ડ કેર ઇન્સ્ટિટ્યૂશન્સ (સીસીઆઇ)માં 76,118 બાળકો નીડ ઓફ કેર એન્ડ પ્રોટેક્શન (સીએનસીપી)માં રહે છે. 

બાળકોને દત્તક લેવાની 30,444 અરજીઓ પેન્ડિંગ 
સેન્ટ્રલ એડોપ્શન રિસોર્સ ઓથોરિટી (સીએઆરએ) પાસેથી મળેલી માહિતી મુજબ અનાથ, ત્યજી દેવાયેલા અને આત્મસમર્પણ કરેલા બાળકોને દત્તક લેવા માટે 30,444 જેટલી અરજીઓ પેન્ડિંગ છે.