- બજેટ સત્રની શરુઆતમાં સરકારે ચોખ્ખું કહ્યું
- પેગાસસ મુદ્દે અલગથી ચર્ચા નહીં
- સંસદીય કાર્યમંત્રીએ કહ્યું, મામલો કોર્ટમાં છે
આવતીકાલે સંસદના બજેટ સત્રનો પ્રારંભ થઈ રહ્યો છે. વિપક્ષે પેગાસસ જાસૂસીકાંડને લઈને સંસદમાં અલગ ચર્ચાની માગ કરી હતી પરંતુ હવે સરકારે તેનો સ્પસ્ટ ઈન્કાર કરી દીધો છે. સંસદીય કાર્યમંત્રી પ્રહલાદ જોશીએ કહ્યું કે પેગાસસ મુદ્દે હવે અલગ ચર્ચા કરવાની જરુર ન થી કારણ કે આ કેસ કોર્ટમાં પેન્ડીંગ છે અને તેથી અલગ ચર્ચા ન કરી શકાય. સરકારનો ઈન્કાર વિપક્ષ માટે મોટા ઝટકા સમાન છે.
સંસદીય કાર્યમંત્રી પ્રહલાદ જોશીએ આપ્યું આ નિવેદન
પ્રહલાદ જોશીએ જણાવ્યું હતું કે, ઘણી પાર્ટીઓએ પેગાસસનો મુદ્દો ઉઠાવ્યો હતો. અમે સ્પષ્ટ કરી દીધું છે કે સુપ્રીમ કોર્ટ દ્વારા નિયુક્ત સમિતિ આ મામલાની તપાસ કરી રહી છે અને બજેટ સત્રના પહેલા ભાગમાં બજેટ સંબંધિત મુદ્દાઓ જ હાથ ધરવા જોઈએ." સરકાર તરફથી રક્ષા મંત્રી રાજનાથ સિંહે કહ્યું કે બજેટ સત્રના પહેલા ભાગમાં માત્ર રાષ્ટ્રપતિના અભિભાષણ અને બજેટ રજૂ કરવામાં આવશે.
વિપક્ષની તૈયારી હોય તો પેગાસસ સિવાય બીજા મુદ્દે ચર્ચા કરવા તૈયાર
કેન્દ્રીય મંત્રીએ વધુમાં જણાવ્યું હતું કે, "જો ગૃહની સુચારુ કામગીરીમાં સહકાર આપવામાં આવે તો અમે સત્રના બીજા ભાગમાં પણ અન્ય તમામ મુદ્દાઓ પર ચર્ચા કરવા તૈયાર છીએ." તમામ નેતાઓએ કહ્યું છે કે અમે ચર્ચામાં જોડાવા માંગીએ છીએ. હું આશા રાખું છું કે આ ગૃહ સરળતાથી કામ કરશે." કેન્દ્રીય મંત્રીએ વધુમાં જણાવ્યું હતું કે, "જો ગૃહની સુચારુ કામગીરીમાં સહકાર આપવામાં આવે તો અમે સત્રના બીજા ભાગમાં પણ અન્ય તમામ મુદ્દાઓ પર ચર્ચા કરવા તૈયાર છીએ." તમામ નેતાઓએ કહ્યું છે કે અમે ચર્ચામાં જોડાવા માંગીએ છીએ. હું આશા રાખું છું કે આ ગૃહ સરળતાથી કામ કરશે.
રાષ્ટ્રપતિના અભિભાષણ અને બજેટ પર ચર્ચા દરમિયાન વિપક્ષ પોતાની વાત રજૂ કરવાની મંજૂરી
આ રીતે સરકારે પેગાસસ મુદ્દે પોતાનું વલણ સ્પષ્ટ કરી દીધું છે કે રાષ્ટ્રપતિના અભિભાષણ અને બજેટ પર ચર્ચા દરમિયાન વિપક્ષ પોતાની વાત રાખી શકે છે, પરંતુ હાલ તેની ચર્ચા થઈ શકે તેમ નથી. તમને જણાવી દઈએ કે, 7 ફેબ્રુઆરીએ વડાપ્રધાન મોદી રાષ્ટ્રપતિના અભિભાષણ પર ધન્યવાદ પ્રસ્તાવ પર ચર્ચાનો જવાબ આપી શકે છે. અમેરિકાના અખબાર ન્યૂયોર્ક ટાઇમ્સના તાજેતરના અહેવાલમાં દાવો કરવામાં આવ્યો હતો કે 2017માં ભારતે ઇઝરાયલ સાથે 2 અબજ ડોલરના સંરક્ષણ સોદાના ભાગરૂપે પેગાસસ સ્પાયવેરની ખરીદી કરી હતી.
