પ્રધાનમંત્રી ફ્રેન્ક બેનિમરામાએ કોરોનાને નાથવા દેશની પ્રજાને સ્પષ્ટ શબ્દમાં કહ્યું છે કે જો નોકરી જોઈ તો હોય તો વેક્સિન લઈ લેજો, બાકી નોકરી નહીં મળે.
ડેલ્ટા વેરિયન્ટનો ફિજીમાં હાહાકાર
ફિજીના પ્રધાનમંત્રીનો આકરો ફેંસલો
`વેક્સિન નહીં તો નોકરી પણ નહીં!'
વેક્સિન લઈ લેજો, બાકી નોકરી નહીં મળે
વેક્સિન લેશો તો જ નોકરી મળશે. હા, આવો નારો વિશ્વના એક દેશે અપનાવ્યો છે. સહેલાણીઓ માટે સ્વર્ગ સમાન દેશ ગણાતા ફિજીને ફરતે કોરોનાનો ભરડો છે. કોરોના મહામારી સાથે કામ પાર પાડવામાં ફિજી સરકારે કડક પગલાં ભર્યા છે. અહીં પ્રધાનમંત્રી ફ્રેન્ક બેનિમરામાએ કોરોનાને નાથવા દેશની પ્રજાને સ્પષ્ટ શબ્દમાં કહ્યું છે કે જો નોકરી જોઈ તો હોય તો વેક્સિન લઈ લેજો, બાકી નોકરી નહીં મળે
ફીઝીની સરકારે બનાવ્યો કડક નિયમ
કોરોનાથી બચવાનો એકમાત્ર રામબાણ ઈલાજ હોય તો તે છે વેક્સિન. વેક્સિન પર દરેક દેશ ભાર આપી રહ્યા છે. ત્યારે વધુ એક દેશે તેની પ્રજાને વેક્સિનને લઈને આકરી ચેતવણી આપી છે અને આ દેશ છે ફિઝી. કોરોના મહામારી સાથે કામ પાર પાડવામાં ફિઝી સરકારે કડક પગલાં ભર્યા છે. અહીં પ્રધાનમંત્રી ફ્રેન્ક બેનિમરામાએ કોરોનાને નાથવા માટે રસી જરૂરી હોઇ પ્રજાને એ લેવા માટે પ્રોત્સાહન પૂરું પાડવા નવો નારો આપ્યો છે, વેક્સિન નહીં તો નોકરી નહીં.
વેક્સિન નહીં લે તેમને રજા પર ઉતારી દેવાશે
ફિઝીમાં ડેલ્ટા વેરિઅન્ટ ટકોરા મારી ચૂક્યો છે કે જેનાથી દુનિયા ડરેલી છે. આ પરિસ્થિતિમાં દેશના પ્રધાનમંત્રીએ કહ્યું છે કે કોરોના રસી નહિ મૂકાવનારે નોકરી ગુમાવવી પડશે. પ્રધાનમંત્રી ફ્રેન્ક બેનિમરામાએ કહ્યું છે કે 15 ઓગસ્ટ સુધી વેક્સિનનો પહેલો ડોઝ નહીં લેનાર સરકારી કર્મચારીઓને રજા પર ઉતારી દેવાશે અને 1 નવેમ્બર સુધી બીજો ડોઝ નહિ લેનારને નોકરીમાંથી કાઢી મૂકાશે.
JAB નહીં તો JOB નહીં
ફિજી સરકારે કર્મચારીઓ ઉપરાંત કંપનીઓને પણ ચેતવણી આપી છે. સરકારે એ કંપનીઓને બંધ કરવાની ચીમકી આપી છે કે જેમાં મોટા ભાગના કર્મચારીઓએ હજુ સુધી વેક્સિન લીધી નથી. ફિજીના પ્રધાનમંત્રીએ ગુરૂવારે દેશના નામે કરેલા સંબોધનમાં જણાવ્યું કે નો જૈબ, નો જોબ્સ. વિજ્ઞાન આપણને સમજાવે છે કે કોરોના સામે રક્ષણ મેળવવા માટે રસી કેટલી જરૂરી છે. હવે સરકારએના આધારે નીતિ નક્કી કરી રહી છે. રસી નહિ મૂકાવનારાઓએ નોકરી ગુમાવવા માટે તૈયાર રહેવું પડશે.
ટૂરિસ્ટોની પહેલી પસંદ છે ફિજી
કોરોના વાયરસના વધેલા પ્રકોપથી ફિજીની સ્વાસ્થ્ય વ્યવસ્થા પર વિપરિત અસર પડી છે. એણે અર્થવ્યવસ્થાને વેરવિખેર કરી નાખી છે. અહીંની સરકાર બેરોજગાર પ્રજાજનોને ખેતી માટેના ઓજારો તથા રોકડ સહાય કરી રહી છે. પ્રશાંત મહાસાગરસ્થિત આ દેશમાં રોગચાળાના પહેલા વર્ષમાં કોઇ ખાસ અસર જણાઇ નહોતી. જો કે બે મહિના અગાઉ વાયરસના ડેલ્ટા સ્વરૂપે તાંડવ સર્જી દીધું છે. અર્થવ્યવસ્થામાં ટુરિઝમનો નોંધપાત્ર ફાળો છે એ ફિજીમાં કોરોનાના પરિણામે આંતરરાષ્ટ્રીય સહેલાણીઓ આવી નથી શક્તા અર્થવ્યવસ્થા પર 19 ટકા વિપરિત અસર પડી છે. અહીંની લગભગ અડધી નોકરીઓ ટુરિઝમ ક્ષેત્ર સાથે સંકળાયેલી છે. ફિજી એની સફેદ રેતીના સમુદ્રતટ વગેરે માટે જાણીતું છે. સહેલાણીઓના દેશ ફિજીને કોરોનાથી બચાવવા માટે ત્યાનાં પ્રધાનમંત્રીએ લીધેલાં પગલાની નોંધ દુનિયાભરમાં લેવાઈ રહી છે.