સલમાન ખાન, અનિલ કપૂર અને ફરદીન ખાન સ્ટારર ફિલ્મ 'નો એન્ટ્રી'ની સિક્વલની ચર્ચા ઘણા સમયથી ચાલી રહી છે. હવે મેકર્સે આ સમગ્ર મામલે મૌન તોડ્યું છે.
Share
શરૂ થશે ફિલ્મ 'નો એન્ટ્રી'ની શૂટિંગ
ફિલ્મના ડાયરેક્ટરે આપી માહિતી
જાણો કોણ કોણ હશે ફિલ્મમાં
સલમાન ખાન સ્ટારર ફિલ્મ 'નો એન્ટ્રી'એ બોક્સ ઓફિસ પર જોરદાર કમાણી કરી હતી. આ ફિલ્મની સિક્વલને લઈને ઘણા સમયથી ચર્ચા ચાલી રહી છે. આવી સ્થિતિમાં દરેકના મનમાં એક જ સવાલ હતો કે આ ફિલ્મની સિક્વલ આવશે કે નહીં.
સિક્વલમાં કયા કયા સ્ટાર્સ હશે?
વર્ષ 2005માં નો એન્ટ્રી રિલીઝ થઈ હતી. હવે આ ફિલ્મ વિશે એક મોટું અપડેટ સામે આવ્યું છે. મીડિયા રિપોર્ટ્સ અનુસાર પહેલા ભાગની આખી કાસ્ટ 'નો એન્ટ્રી' સિક્વલમાં જોવા મળશે. સલમાન ખાન સિવાય ફરદીન ખાન, અનિલ કપૂર અને અન્ય તમામ સ્ટાર્સ ટૂંક સમયમાં સિક્વલનું શૂટિંગ શરૂ કરશે.
થોડા સમયમાં શરૂ થશે શૂટિંગ
થોડા સમય પહેલા જ ફિલ્મ નિર્માતા અનીસ બઝમીએ સ્પષ્ટ કર્યું છે કે નો એન્ટ્રીની સિક્વલમાં સલમાન ખાન, ફરદીન ખાન અને અનિલ કપૂર મહત્વની ભૂમિકામાં જોવા મળશે. સાથે જ એવું પણ કહેવામાં આવી રહ્યું છે કે આ ફિલ્મમાં એશા દેઓલ, લારા દત્તા, બિપાશા બાસુ, સેલિના જેટલી અને સમીરા રેડ્ડી પણ જોવા મળશે.
એક ઈન્ટરવ્યૂમાં ખુદ અનીસ બઝ્મીએ કહ્યું છે કે સલમાન ખાન આને લઈને ખૂબ જ ગંભીર છે. પ્રોજેક્ટ અને આ ફિલ્મનું શૂટિંગ શક્ય તેટલું જલ્દી શરૂ કરવા માંગે છે. અનીસ બઝ્મીએ વધુમાં કહ્યું કે તે સલમાનને ચારથી પાંચ વાર મળ્યો છે અને દરેક વખતે તેણે કહ્યું છે કે ફિલ્મ ઝડપથી શરૂ કરવાની છે.
ફિલ્મમાં કોણ હશે લીડ રોલમાં?
તે ખૂબ જ સીરિયસ છે. તેથી ટૂંક સમયમાં અમે શરૂઆત કરીશું. કાસ્ટ વિશે વાત કરતાં અનીસે કહ્યું- ફિલ્મમાં સલમાન ભાઈ હશે. ફરદીન અને અનિલ પણ મહત્વની ભૂમિકા ભજવશે. આ ત્રણેય આ ફિલ્મનો ભાગ બનવાના છે. છેલ્લા કેટલાક મીડિયા રિપોર્ટ્સમાં એવો પણ દાવો કરવામાં આવ્યો છે કે બોની કપૂર અને સલમાન ખાન વચ્ચેના સંબંધો સારા નથી તેથી ફિલ્મની સિક્વલ બનાવવી ઘણી મુશ્કેલ છે.
જો કે બોની કપૂર પોતે આ અંગે સંકેત આપી ચૂક્યા છે અને પહેલાથી જ જણાવી ચૂક્યા છે. કહેવાય છે કે જ્યારે પણ સલમાન ખાનની મંજૂરી મળશે ત્યારે કામ શરૂ કરી દેવામાં આવશે. કારણ કે તેમના વિના ફિલ્મ બની શકે તેમ નથી.
