બેઠક / 'જાતિ' જ પૂછો જનતાની : 10 પાર્ટીઓના નેતાઓ PM મોદીને મળવા પહોંચ્યા, UP ચૂંટણી પહેલા ભાજપનું વધશે ટેન્શન?

• જાતિય જનગણનાની માંગનું નેતૃત્વ નીતિશ કુમાર પોતે કરી રહ્યા છીએ
• જાતિય જનગણના પર પીએમ મુલાકાત બાદ વાત બનશે?
• યુપી ચૂંટણીએ વધારી કેન્દ્ર સરકારની ચિંતા

પ્રતિનિધિમંડળમાં 10 દળોના નેતાઓના નામ છે. જેનું નેતૃત્વ બિહારના મુખ્યમંત્રી નીતિશ કુમાર પોતે કરી રહ્યા છીએ. પીએમ મોદી સાથે મુલાકાત માટે નીતિશ કુમાર સહિત તમામ નેતાઓ પીએમઓ પહોંચી ગયા છે. જો કે આ મુલાકાતની પહેલા સીએમ નીતિશે મોટું નિવેદન આપ્યું છે અને કહ્યું છે કે જો કેન્દ્ર સમગ્ર દેશમાં જાતિય જનગણના ન કરવાનો નિર્ણય લે છે તો પછી અમે મળીને બેસીને વિચાર કરીશું કે આગળ શું કરવું છે.

જાતિય જનગણના પર પીએમ મુલાકાત બાદ વાત બનશે?

જાતિય જનગણનાની માંગને લઈને બિહારના સીએમ નીતિશ કુમારના નેતૃત્વમાં જેડીયૂ સહિત 10 દળના નેતાઓનું પ્રતિનિધિમંડળ પીએમ નરેન્દ્ર મોદીને મળશે. આ ડેલિગેશનમાં બિહાર ભાજપના નેતા પણ સામેલ છે. દિલ્હી પહોંચ્યા બાદ નીતિશે કહ્યું કે જાતિય આધારિત જનગણના તેમની માંગ છે કે આને લાગૂ કરવું જોઈએ.

યુપી ચૂંટણીએ વધારી કેન્દ્ર સરકારની ચિંતા

બિહારના સીએમની આગેવાનીમાં 10 સભ્ય સર્વદલીય પ્રતિનિધિ મંડળ કેન્દ્રની સામે અન્ય પછાત વર્ગની ગણના માટે જાતિય જનગણનાની માંગ કરશે. હવે ઉત્તર પ્રદેશ ચૂંટણીથી 6 મહિના પહેલા જ આ વાતનો નિર્ણય લેવો મોદી સરકાર માટે થોડું મુશ્કેલ સાબિત થઈ શકે છે.

પીએમ મોદીને મળશે બિહારના આ નેતા

1. જેડીયૂ- સીએમ નીતિશ કુમાર અને બિહારના સંસદીય કાર્ય મંત્રી વિજય કુમાર ચૌધરી
2. આરજેડી- નેતા પ્રતિપક્ષ તેજસ્વી યાદવ
3. કોંગ્રેસ- ધારાસભ્ય અજિત શર્મા
4. ભાકપા માલે- મહેબૂબ આલમ
5. એઆઈએમઆઈએમ- અખ્તરુલ ઈમામ
6. હિંદુસ્તાની આવામ મોર્ચો- પૂર્વ સીએમ જીતન રામ માંઝી
7. વીઆઈપી- મુકેશ સાહની
8. સીપીઆઈ- સૂર્યકાંત પાસવાન
9. સીપીએમ- અજયકુમાર
10 - બીજેપી- જનક રામ