આજે વિધાનસભામાં નાયબ મુખ્યમંત્રી નીતિન પટેલ ગુજરાતની બજેટ રજૂ કરવા જઈ રહ્યા છે ત્યારે આજે પહેલીવાર પેપરલેસ બજેટ રજૂ થશે.
નીતિન પટેલ 9મી વખત બજેટ રજૂ કરશે
ગુજરાત પહેલુ રાજ્ય છે જ્યા મોબાઇલ એપ. બજેટ મુકાશે
બજેટ દરમિયાન 120 ધારાસભ્યો ગૃહમાં બેસશે
ગુજરાત રાજ્યનું પ્રથમ પેપરલેસ બજેટ આજે રજૂ કરવામાં આવશે જેમાં નાણાકીય વર્ષ 2021-22નું બજેટ ઓનલાઇન જોઇ શકાશે. કેન્દ્ર સરકારના પેપરલેસ બજેટ બાદ ગુજરાત સરકારે પણ આ રીતે બજેટ રજૂ કરવાનો નિર્ણય કર્યો છે.
આપણું બજેટ પ્રજાલક્ષી હશે-નીતિન પટેલ
આજે ગુજરાતનું બજેટ રજૂ થવાનું છે ત્યારે બજેટ મામલે નીતિન પટેલે મોટું નિવેદન આપ્યું છે. તેમણે કહ્યું કે બજેટની તમામ કામગીરી પૂર્ણ થઈ છે અને બજેટમાં સર્વાંગી વિકાસને ધ્યાને રાલહવામાં રાખવામાં આવ્યો છે. તેમણે કહ્યું કે દરવર્ષે અમે પ્રજાલક્ષી કામો અને વ્યસ્થાઓ ઉભી કરીએ છીએ.
આજે વિધાનસભામાં ગુજરાતનું બજેટ રજૂ થશે
ગુજરાત સરકાર પ્રથમ વખત પેપરલેસ બજેટ રજૂ કરશે અને નીતિન પટેલ આજે 9મી વખત બજેટ આપવા જઈ રહ્યા છે. ખાસ વાત એ છે કે ગુજરાતનું વર્ષ 2021-22નું બજેટ ઓનલાઇન પણ જોઇ શકાશે, અગાઉ સરકારે ઓનલાઈન બજેટ માટે એપ્લિકેશન પણ લોન્ચ કરી છે.
લોકો એપ્લિકેશનમાં બજેટને લઇ તમામ વિગતો જોઇ શકશે
નોંધનીય છે કે ગુજરાત પહેલુ રાજ્ય છે જ્યા મોબાઇલ એપ પર બજેટ મુકાશે જેમાં ગુજરાતી અને અંગ્રેજી ભાષામાં તમામ દસ્તાવેજ ઉપલબ્ધ હશે. લોકો એપ્લિકેશનમાં બજેટને લઇ તમામ વિગતો જોઇ શકશે તથા એપ્લિકેશનમાં ગત વર્ષના બજેટના દસ્તાવેજોનો પણ સમાવેશ કરવામાં આવ્યો છે. બજેટ એપ.માં 26 વિભાગના પ્રકાશન મુકવામાં આવશે.