હંમેશા પોતાના કામ અને વહીવટી તંત્રના અધિકારીઓને બોધપાઠ ભણાવવાને પગલે ચર્ચામાં રહેતા કેન્દ્રીય માર્ગ અને પરિવહન પ્રધાન નીતિન ગડકરીએ વધુ એક રસપ્રદ કિસ્સો જણાવ્યો છે. ગડકરીએ ગઈકાલે દિલ્હી-મુંબઈ એક્સપ્રેસની સમીક્ષા કર એક કાર્યક્રમમાં ભાગ લીધો હતો.
કેન્દ્રીય માર્ગ અને પરિવહન પ્રધાન નીતિન ગડકરીએ રસપ્રદ કિસ્સો જણાવ્યો
પત્નીને જાણ કર્યા વગર પોતાના સસરાના ઘરે બુલડોઝર ચલાવ્યું હતું
બુલડોઝર ચલાવી ખાલી થયેલા માર્ગમાં બનાવ્યો હતો રસ્તો
અને મેં મારા સસરાના ઘર પર ચલાવ્યુ હતુ બુલડોઝર: નીતિન ગડકરી
આ કાર્યક્રમ દરમ્યાન તેમણે જણાવ્યું કે, કેવીરીતે તેમણે પોતાની પત્નીને જાણ કર્યા વગર પોતાના સસરાના ઘરે બુલડોઝર ચલાવ્યું હતુ. આ કાર્યક્રમને સંબોધન કરતા નીતિન ગડકરીએ વધુમાં જણાવ્યું કે, જ્યારે મારા નવા-નવા લગ્ન થયા હતા ત્યારે રસ્તા બનાવવાના કામકાજમાં મારા સસરાનું ઘર વચ્ચે આવતુ હતુ ત્યારે મારી પત્નીને જણાવ્યાં વગર સસરાના ઘરે બુલડોઝર ચલાવ્યું હતુ અને ત્યાં રસ્તો બનાવ્યો હતો. આ દરમ્યાન ગડકરી કાર્યક્રમમાં ઉપસ્થિત રહેલા લોકોને જણાવી રહ્યાં હતા કે કામ પ્રત્યે તેમની કેટલી જવાબદારીઓ છે, જે તેમને નિભાવવી પડે છે.
હવે 12 કલાકમાં કપાશે દિલ્હી-મુંબઈનો પ્રવાસ
ઉલ્લેખનીય છે કે, હવે દિલ્હી-મુંબઈ એક્સપ્રેસ વે પરથી રાષ્ટ્રીય રાજધાની દિલ્હી અને મુંબઈ વચ્ચે યાત્રામાં થતો 24 કલાકનો સમય ઘટીને લગભગ 12 કલાક થઇ જશે. એટલું જ નહીં, 8 લેનનો આ એક્સપ્રેસ વે દિલ્હી, હરિયાણા, રાજસ્થાન, મધ્ય પ્રદેશ અને ગુજરાત થઈને ગુજરશે. ગડકરીએ વધુમાં જણાવ્યું કે, દિલ્હી-મુંબઈ એક્સપ્રેસ વે દેશનો સૌથી લાંબો એક્સપ્રેસ વે હશે. આ એક્સપ્રેસ વે પર વાહનોની ન્યૂનત્તમ ગતિ સીમા 100 કિલોમીટર પ્રતિ કલાક હશે. જોકે, માર્ગ મંત્રાલયે તેને વધારીને 120 કિલોમીટર પ્રતિ કલાક કરવા અંગે વિચારી રહ્યું છે.