ડેથ વોરંટ / નિર્ભયાના ગુનેગારોના વકીલે કહ્યું : કેટલી વખત આપશો ફાંસી હજુ પણ મારી પાસે...

• દુષ્કર્મના આરોપીઓના વકિલે પિત્તો ગુમાવ્યો
• હજુ વિકલ્પ બાકીઃ એપી સિંહ
• કેટલી વખત ફાંસી આપશો? આ આતંકવાદી નથી: એપી સિંહ

ડેથ વૉરંટ જાહેર થયા બાદ કોર્ટ બહાર મીડિયા સાથે વાત કરતા એપી સિંહનો પિત્તો ગયો. તેમણે કહ્યું કે, આજે ચોથું વોરંટ જાહેર થયું છે. તમે ત્રણ વખત પહેલા પણ તેમને ફાંસી આપી ચૂક્યા છો અને કેટલી વખત તેને ફાંસી આપશો? મીડિયા પ્રેશરમાં બંધારણ રહેતા કેટલી વખત ફાંસી આપશો? આ આતંકવાદી નથી, આ ભણેલા ગણેલા છે. આ જેલમાં સુધરી રહ્યા છે, પોતાનું પરિવર્તન કરી રહ્યા છે. તમારી ચીખો સંભળાય રહી છે કે કેટલું પ્રેશર છે.

હજુ વિકલ્પ બાકી

એપી સિંહે કહ્યું કે, અક્ષય પાસે કાયદાકીય વિકલ્પ બચેલાય છે. અક્ષયની મર્સી પિટિશન જેલમાં રિસીવ કરાવી. કોર્ટે પૂછ્યું કે જેલમાં અક્ષયની મર્સી પિટિશન છે? જેલે કહ્યું, હા છે. એપી સિંહે કહ્યું કે આજે સુપ્રીમ કોર્ટમાં એક તરફ સુનાવણી થવાની છે. કેન્દ્ર સરકારે દોષિતોને અલગ-અલગ ફાંસી આપવા માટે અરજી દાખલ કરી હતી.

કાયદાની હત્યા ના કરો

એપી સિંહે કહ્યું કે, આ ચોથું ડેથ વોરંટ જાહેર કરવામાં આવ્યું છે. મર્સી પિટિશનની કલમ 72ના અધિકારને ખતમ કરવામાં આવી રહ્યો છે. કેટલી વખત મારશો, તમે તેની કાયદાકીય હત્યા કરી રહ્યા છો. સીઆરપીસી કહે છે કે તમને એક વખતથી વધુ વખત ના મારી શકો. તમે કાયદાકીય હત્યા ના કરો. સ્ટેટ પ્રાયોજિત હત્યા ના કરો. 
એપી સિંહે પત્રકારોને એ પણ કહ્યું કે નિર્ભયાની ફેમિલીને વધુ કેટલુ ફંટ અપાવવા માંગો છો તમે? કોઇ બીજાને પણ અપાવો.

મને ડરાવવામાં આવી રહ્યો છે

એપી સિંહે કોર્ટ પર ગંભીર આરોપ લગાવી દીધા. તેમણે કહ્યું કે કોર્ટ તરફથી મને કહેવામાં આવ્યું છે કે તમે આગ સાથે રમી રહ્યા છો. તમારા પરિણામ ખોટા હશે. આનો મતલબ છે કે મને ડરાવવામાં આવી રહ્યો છે. મને ધમકાવવામાં આવી રહ્યો છે. મારૂ શોષણ કરવામાં આવી રહ્યું છે. આનો મતલબ થયો કે કાયદાકીય અધિકારોનો ખોટો ઉપયોગ કરવો.

ઉલ્લેખનીય છે કે 2 માર્ચે દોષિતોની ફાંસી ટાળવાનો આદેશ આપતા પહેલા કોર્ટે સુનાવણી દરમિયાન એપી સિંહને કહ્યું હતું કે તમે આગ સાથે રમી રહ્યા છો, તમારે સતર્ક રહેવું જોઇએ. કોઇ દ્વારા એક ખોટું પગલું, અને તમને પરિણામ ખબર છે.