કાર્યવાહી / NIAના વહેલી સવારથી જ જમ્મુમાં અનેક સ્થળોએ દરોડા, આતંકવાદીના અડ્ડા સુધી પહોંચી ટીમ

• NIAની ટીમના વહેલી સવારથી જ જમ્મુમાં અનેક સ્થળોએ દરોડા
• આજે ​​જમ્મુ, કઠુઆ, સાંબા અને ડોડામાં અનેક સ્થળો પર દરોડા
• અમરનાથ યાત્રા-નેતાઓ પર હુમલાના ષડયંત્રમાં સામેલ આતંકવાદીના અડ્ડા સુધી પહોંચી NIAની ટીમ 

નેશનલ ઈન્વેસ્ટિગેશન એજન્સી (NIA)ની ટીમ આજે સવારથી જ જમ્મુમાં અનેક સ્થળોએ દરોડા પાડી રહી છે. વિગતો મુજબ ડ્રોનથી હથિયારો ઉતારવાના મામલે NIAએ આજે ​​જમ્મુ, કઠુઆ, સાંબા અને ડોડામાં અનેક સ્થળો પર દરોડા પાડ્યા છે. આ સાથે ટીમ અમરનાથ યાત્રા અને નેતાઓ પર હુમલાના ષડયંત્રમાં સામેલ આતંકવાદીના અડ્ડા સુધી પણ પહોંચી ગઈ છે. જોકે આ અંગે હજુ સુધી કોઈ સત્તાવાર નિવેદન આવ્યું નથી.

જમ્મુ-કાશ્મીરમાં આતંકની કમર તોડવા માટે NIAની ટીમે કવાયત શરૂ કરી છે. એક તરફ સુરક્ષા દળો આતંકવાદીઓનો સામનો કરી રહ્યા છે, તો બીજી તરફ સુરક્ષા અને તપાસ એજન્સીઓ આતંકવાદીઓને જડમૂળથી ખતમ કરવા માટે તેમના સ્તરે કામ કરી રહી છે. 

આજે ગુરુવારે નેશનલ ઈન્વેસ્ટિગેશન એજન્સી (NIA) દ્વારા આતંકીઓ વિરુદ્ધ મોટી કાર્યવાહી જોવા મળી છે. જમ્મુમાં ઘણી જગ્યાએ NIAના દરોડા ચાલુ છે. જણાવવામાં આવી રહ્યું છે કે, 18 ઓગસ્ટે NIAએ ડ્રોનથી હથિયારો ઉતારવાના મામલે જમ્મુ, કઠુઆ, સાંબા અને ડોડામાં અનેક સ્થળો પર દરોડા પાડ્યા હતા.

J&K | National Investigation Agency (NIA) conducts raids at multiple locations in Jammu.

(Visuals from Faisal Muneer's residence) pic.twitter.com/DQvs7aoHMX

— ANI (@ANI) August 18, 2022

NIAની ટીમ આતંકીઓના ઠેકાણા પર પહોંચી

NIAના અનેક સ્થળો પર દરોડા પાડવાની સાથે જ વધુ એક મોટા સમાચાર સામે આવ્યા છે. વાસ્તવમાં, દરોડા દરમ્યાન NIAની ટીમ અમરનાથ યાત્રા અને નેતાઓ પર હુમલાના ષડયંત્રમાં સામેલ આતંકવાદીના સ્થળો પર પણ પહોંચી ગઈ છે.