ક્રાઈમ / ઉદયપુર કન્હૈયાલાલ હત્યાકાંડ મામલે મોટા સમાચાર, તપાસનીસ એજન્સી NIAએ આપી માહિતી

• ઉદયપુર કન્હૈયાલાલ હત્યાકાંડનો સાતમો આરોપી ઝડપાયો
• એનઆઈએ ફરહાદ મોહમ્મદ શૈખને ઝડપી પાડ્યો
• અત્યાર સુધી છ આરોપીની થઈ ચૂકી છે ધરપકડ
• એનઆઈએ ચલાવી રહી છે હત્યાકાંડની તપાસ
• ઉદયપુરમાં 28 જૂને ટેલર કન્હૈયાલાલની ગળું કાપીને હત્યા થઈ હતી

રાષ્ટ્રીય તપાસ એજન્સી (એનઆઈએ) એ ગયા મહિને ઉદયપુરમાં દરજી કન્હૈયા લાલની ઘાતકી હત્યાના સંબંધમાં સાતમા વ્યક્તિની ધરપકડ કરી છે, જેની ઓળખ ફરહાદ મોહમ્મદ શેખ તરીકે થઈ છે. ફરહાદ શૈખની ધરપકડ સાથે આ કેસમાં અત્યાર સુધી 7 આરોપીની ધરપકડ થઈ ચૂકી છે. 

NIA arrests seventh person in connection with killing of tailor Kanhaiya Lal in Udaipur in Rajasthan: Spokesperson

— Press Trust of India (@PTI_News) July 10, 2022

ફરહાદ મુખ્ય આરોપીની નજીકનો માણસ 
એનઆઈએ પ્રવક્તાએ જણાવ્યું હતું કે શેખ ઉર્ફે બબલાની શનિવારે સાંજે ધરપકડ કરવામાં આવી હતી. તે બે મુખ્ય આરોપીઓમાંના એક રિયાઝ અખ્તરીનો "નજીકનો ગુનાહિત સહયોગી" હતો, અને દરજીની હત્યાના કાવતરામાં સક્રિય ભાગ લીધો હતો. કન્હૈયા લાલની 28 જૂને તેની ટેલરિંગની દુકાનની અંદર બે આરોપીઓએ ગળું કાપીને હત્યા કરી નાખી હતી જેને લઈને દેશભરમાં ભારે ચકચાર મચી હતી. 

28 જૂને થઈ હતી ઉદયપુરમાં કન્હૈયાલાલની હત્યા

ઉલ્લેખનીય છે કે ભાજપ નેતા નુપુર શર્માના સમર્થનમાં પોસ્ટ કરનાર ઉદયપુરના ટેલર (દરજી) કન્હૈયાલાલની બે આરોપીઓએ ગળું કાપીને હત્યા કરી નાખી હતી. 

હત્યાકાંડમાં અત્યાર સુધી 7 આરોપીની ધરપકડ

ઉદયપુર હત્યાકાંડમાં અત્યાર સુધી 7 આરોપીની ધરપકડ થઈ છે. 

કન્હૈયાલાલની હત્યાનો મુખ્ય આરોપીએ પાકિસ્તાન જઈને લીધી હતી તાલીમ 
ઉદયપુરમાં કન્હૈયાલાલ હત્યાકાંડની તપાસમાં મોટો ખુલાસો થયો છે. ઉદયપુરના બે મૌલાનાઓ રિયાસત હુસેન અને અબ્દુલ રઝાકે દાવત-એ-ઇસ્લામીની ટ્રેનિંગ માટે આરોપી મોહમ્મદ ગૌસને પાકિસ્તાન મોકલ્યો હતો. મોહમ્મદ ગૌસ સાથે વસીમ અત્તારી અને અખ્તર રઝા પણ પાકિસ્તાન ગયો હતો. NIAએ આ ત્રણેયને કસ્ટડીમાં લીધા છે. રિપોર્ટ્સ મુજબ, હત્યાકાંડમાં બે મૌલાના અને બે વકીલ પણ સામેલ છે. તેમને પણ કસ્ટડીમાં લેવામાં આવ્યા છે. કહેવામાં આવી રહ્યું છે કે આરોપીઓની એક બેઠક થઈ હતી, જેમા રિયાઝ અત્તારીએ દરજી કન્હૈયાલાલને મારવાની જવાબદારી લીધી હતી.