સુત્રાપાડા તાલુકાના ગાંગેથા ગામમાં દીપડો ઘુસી જતા અફરાતફરી મચી ગઇ. કોડીનારના રાણાવાળા ગામે એક બાળકી પર હુમલો કરતા બાળકી ઇજાગ્રસ્ત થઇ છે. મામાના મકાનની બહાર અન્ય ભાઈ બહેનો સાથે બાળકી રમી રહી હતી તે દરમિયાન અચાનક જ દીપડો ઘુસી આવ્યો હતો.
તેમના પરિવારજનોને જાણ થતા દીપડા પર પાટિયા વડે હુમલો કર્યો હતો અને દીપડો ઘટના સ્થળેથી નાશી છૂટ્યો હતો. હાલ બાળકીને ઈજાગ્રસ્ત હાલતમાં 108 દ્વારા હોસ્પિટલ ખસેડાઇ છે. વન વિભાગના આરએફઓ સહિતની ટીમે દીપડાને ઝડપી પાડવા કવાયત હાથ ધરી છે.