ગુજરાતની 10 હજાર ગ્રામ પંચાયતો માટેની ચૂંટણીની તારીખ જાહેર કરાઈ

આગામી સમયમાં ગુજરાતમાં ગ્રામ પંચાયતની ચૂંટણી યોજાવા જઈ રહી છે. જે માટે ચૂંટણીપંચ દ્વારા તારીખ જાહેર કરવામાં આવી છે. 

આગામી 27 ડિસેમ્બરે રાજ્યની 10 હજાર ગ્રામ પંચાયતોમાં ચૂંટણી યોજાશે. જ્યારે 29 ડિસેમ્બરના રોજ મતગણતરી હાથ ધરવામાં આવશે. જે માટે ચૂંટણીપંચ દ્વારા તમામ તૈયારીઓ શરૂ કરી દેવામાં આવી છે. તો આગામી ચૂંટણીને ધ્યાને રાખીને આજથી આચારસંહિતા લાગુ કરી દેવામાં આવી છે. ગ્રામ પંચાયતની ચૂંટણી માટે 5 ડિસેમ્બરના રોજ જાહેરનામું પ્રસિદ્ધ કરશે અને ઉમેદવારી પત્ર ભરવામાં આવશે. 

તો ઉમેદવારી પત્ર ભરવા માટેની છેલ્લી તારીખ 10 ડિસેમ્બર છે. જ્યારે ઉમેદવારી પત્રની ચકાસણી 12 ડિસેમ્બર સુધીમાં પુર્ણ કરવામાં આવશે. તો ઉમેદવારી પરત ખેંચવાની છેલ્લી તારીખ 14 ડિસેમ્બર રહેશે. ત્યારબાદ 27 ડિસેમ્બરે ચૂંટણી હાથ ધરવામાં આવશે અને જરૂર જણાશે તો 28 ડિસેમ્બરના રોજ ચૂંટણી યોજાશે. અને 29 ડિસેમ્બરે મતગણતરી હાથ ધરવામાં આવશે.