તુર્કીના દક્ષિણ પશ્વિમ શહેર ઝીઝરામાં પોલીસ હેડક્વાર્ટરની બહાર બોમ્બ બ્લાસ્ટ થયો છે. સૂત્રો દ્વારા પ્રાપ્ત થતી વિગતો અનુસાર આ બ્લાસ્ટમાં ઓછામાં ઓછા નવ પોલીસકર્મીઓ મૃત્યુ પામ્યા છે અને 45થી વધુ લોકો ઘાયલ થયા છે. વધુમાં જાણવા મળ્યું છે કે આ બોમ્બ બ્લાસ્ટમાં ઘણા લોકોના માર્યા ગયા હોવાનું અને ઘાયલ થયેલા હોવાની આશંકા છે.
સોશિયલ મીડિયા પર મૂકવામાં આવેલા ફોટામાં બિલ્ડીંગને ધરાશયી થયેલું બતાવ્યું છે. હજુ સુધી એ સ્પષ્ટ થયું નથી કે બોમ્બ બ્લાસ્ટ કોણે કર્યો. પરંતુ તુર્કીની મીડિયા આ ઘટના માટે પ્રતિબંધિત સંગઠન કુર્દિસ્તાન વર્કર્સ પાર્ટી એટલે કે પીકેકેને જવાબદાર ગણાવ્યા છે.
જીજરા શહેરમાં સરકારી સુરક્ષાદળો અને પીકેકે વચ્ચે સંઘર્ષના કારણે છેલ્લા કેટલાક મહિનાઓમાં ઘણી વખત કરફ્યૂ લાદવામાં આવ્યો છે. જો કે ઘટના બાદ સ્થળ પર તરત જ એમ્બુલન્સ અને હેલિકોપ્ટર પહોંચી ગયા હતા.