સારા સમાચાર / અમદાવાદમાં વાહનચાલકો માટે રાહતના સમાચાર, ટૂંક સમયમાં મળશે આ સુવિધા

• વાહનચાલકો માટે રાહતના સમાચાર
• એસ.જી.હાઇવેથી પસાર લોકોને રાહત થશે
• સોલા ફ્લાય ઓવર બ્રિજનું 90 ટકા કામ પૂર્ણ

 અમદાવાદમાં વધુ એક બ્રિજ લોકો માટે ખુલ્લો મુકવામા આવરના છે શહેરની ટ્રાફિસ સમસ્યાઓ હળવી કરવા શહેરી વિકાસ સત્તા મંડળ આગામી બે વર્ષમાં રૂ.660 કરોડના ખર્ચે 10 જંક્શન પર 10 બ્રિજ બનાવશે. એ ઉપરાંત પાંચ ફ્લાઈ ઓવર, ફૂટ ઓવરબ્રિજ અને થ્રી લેયર અંડરપાસ સહિત પેડેસ્ટ્રિયન બ્રિજ પણ બનાવવાનું કામ આગામી સમયમાં શરૂ કરનાર છે. 


10 ફ્લાઇ ઓવર-અંડરપાસ માટે ટેન્ડરો બહાર પાડી દેવાયા

ઔડાનો DPR મંજૂર થયા બાદ આ 10 ફ્લાઇ ઓવર-અંડરપાસ માટે ટેન્ડરો બહાર પાડી દેવાયા છે. ત્યારે હવે અમદાવાદમાં આવેલા થલતેજથી સોલા ફ્લાય ઓવર બ્રિજનું 90 ટકા કામ પૂર્ણ થઇ જતા તેને હવે બ્રિજ ટૂંક સમયમાં જ ખુલ્લો મુકવામાં આવશે.જેને લઈને થલતેજથી સોલા સુધી સાંજના સમયે ટ્રાફિક જામ થતો હોય છે ત્યાં હવે બ્રિજ બનતા લોકોને રાહત રહેશે.  

એસ.જી. હાઈવે પર બે ઓવરબ્રિજ ખુલ્લા મૂકવામાં આવ્યા

તાજેતરમાં એસ.જી. હાઈવે પર બે ઓવરબ્રિજ ખુલ્લા મૂકવામાં આવ્યા હતા. બીજી તરફ ગાંધીનગરથી રાજકોટ સુધીના છ માર્ગીય રસ્તાનું કાર્ય પુરજોશમાં ચાલી રહ્યું છે. આ બધાથી વધતી ટ્રાફિકની સમસ્યાઓનો અંત આવશે. આ રેલવે ઓવરબ્રિજ સિમેન્ટના સ્લેબને બદલે લોખંડના હેવી ગર્ડરોથી નવી ડિઝાઈનથી બનેલો બ્રિજ છે, જે હજારો ભારેખમ ટ્રકોનો પણ ભાર સહન કરી શકે એ રીતે ડિઝાઇન કરવામાં આવ્યો છે. ભારતમાં આવી માત્ર બે જ સ્ટીલની મિલો છે,જે એને બનાવે છે.

ટ્રાફિક હળવો કરવા માટે પાંચ ફ્લાઇ ઓવર

અમદાવાદ શહેરની ફરતે આવેલા SP રિગ રોડ પર વધુ 9 ફ્લાઇ ઓવર અને એક અંડરપાસ બાંધવાનો DPR AUDAએ એશિયન ડેવલપમેન્ટ બેંક સમક્ષ સબમિટ કરી દીધો છે. અમદાવાદમાં ભરચક રહેતા SP રિંગ રોડ પર ટ્રાફિક હળવો કરવા માટે પાંચ ફ્લાઇ ઓવર, બે ફૂટ ઓવર અને એક પેડેસ્ટ્રિયન બ્રિજ બનાવવામાં આવનાર છે.  એ ઉપરાંત અન્ય જંક્શનો પર પણ 10 ઓવરબ્રિજ બનાવવાનું પણ આયોજન કરાયું છે. 

ઓગસ્ટ 2021 સુધીમાં ટેન્ડરોની પ્રક્રિયા પૂર્ણ કરાશે

મહત્વનું છે કે ઔડાએ શહેરના એસપી રિંગ રોડ ઉપર વધુ 10 ફ્લાઇ ઓવર-અંડરપાસ બાંધવાના જંકશનો ફિક્સ કરી દીધા છે એવી માહિતી DPRમાં મૂકી છે. ઔડાનો DPR મંજૂર થયા બાદ આ 10 ફ્લાઇ ઓવર-અંડરપાસ માટે ટેન્ડરો બહાર પાડી દેવાશે. AUDAનું અનુમાન છે કે અગામી ઓગસ્ટ 2021 સુધીમાં ટેન્ડરોની પ્રક્રિયા પૂર્ણ કરી દેવાશે અને કામ શરૂ કરી દેવાશે.