દિવાળી પૂરી  / ગુજરાતીઓ તૈયાર રહેજોઃ છૂટછાટનો કાલે છેલ્લો દિવસ

• મોબાઈલ ઉપર વાત કરતા પકડાઓ તો 1000 રૂા. દંડ
• 1લી નવેમ્બરથી હેલમેટ નહી પહેરો તો નહીં ચાલે
• હવે સરકાર આ મુક્તિ મર્યાદા લંબાવે તેવી કોઇ શક્યતા નથી

કેન્દ્ર સરકારે મોટર વિહિકલ એક્ટમાં સુધારો કરીને દેશભરમાં અમલી કર્યો છે. ગુજરાત સરકારે અગાઉ વાહનચાલકોને 15 ઓક્ટોબર સુધી મુક્તિ આપી હતી, જે 31 ઓક્ટોબર સુધી લંબાવાઈ હતી, પરંતુ હવે સરકાર આ મુક્તિ મર્યાદા લંબાવે તેવી કોઇ શક્યતા નથી. 

1લી નવેમ્બરથી હેલમેટ નહી પહેરો તો નહીં ચાલે
પહેલી નવેમ્બરથી જે વાહનચાલકોએ હેલ્મેટ પહેરી નહીં હોય, જે કારચાલકોએ સીટબેલ્ટ બાંધ્યો નહીં હોય અથવા તો કારમાં બ્લેક ‌ફિલ્મ લગાવી હોય અને ટ્રિપલ સવારી જતા હોય તેવા વાહનચાલકોને પોલીસ જંગી દડ વસૂલવાનું શરૂ કરશે. જે વાહનચાલકોએ પીયુસી કઢાવી નહીં હોય અથવા તો એચએસઆરપી નહીં હોય તેવા લોકો પાસેથી દંડ વસૂલ કરવામાં આવશે. 

નવા નિયમો થશે લાગુ
રાજ્ય સરકારે બે વખત મુદ્દત લંબાવતાં વાહનચાલકો બિનધાસ્ત થઇ ગયા હતા અને ટ્રાફિકના નિયમોની ઐસીતેસી કરીને વાહનો ચલાવતા હતા, પરંતુ હવે વાહનચાલકો એક જ દિવસ પોતાની મનમાની કરી શકશે, કારણ કે પહેલી નવેમ્બરથી નવા ‌નિયમ મુજબ દંડ કરવામાં આવશે. 

મોબાઈલ ઉપર વાત કરતા પકડાઓ તો 1000 રૂા. દંડ
નવા નિયમ પ્રમાણે ચાલુ વાહને મોબાઈલ પર વાત કરતાં પકડાય તો 1000 રૂપિયા દંડ થાય છે તેમ નવા સુધારા પ્રમાણે પહેલી વખત 500 રૂપિયા અને બીજી વખત પકડાય તો 1000 રૂપિયા કરવામાં આવશે, જોકે હજુ લોકો મૂંઝવણમાં છે કે કેટલો દંડ ભરવો પડશે.