મોટી રાહત / કારમાં માસ્ક જરૂરી નહીં, શાળા-કૉલેજો સહિત આ જગ્યાઓએ છૂટ : દિલ્હીમાં લાગૂ થશે નવા નિયમો

• કોરોનાના કેસો ઘટતા દિલ્હીમાં અપાશે છૂટ
• કેજરીવાલની અધ્યક્ષતામાં થઈ મીટિંગ
• આટલી જગ્યાએ આપી છે છૂટ

દેશભરમાં કોરોનાના કેસોમાં ફરી એક વાર ઘટાડો આવ્યો છે. ત્યારે આવા સમયે રાજ્યોમાં લગાવેલા પ્રતિબંધોમાં ઢીલ આવી રહી છે. આ જ ક્રમમાં આજે દિલ્હીમાં પણ કેટલાય પ્રતિબંધોમાં ઢીલ આપવામા આવી શકે છે. હકીકતમાં આજે દિલ્હીમાં DDMAની મીટીંગમાં જિમ, સ્કૂલ, કોલેજ અને કોચિંગ ઈંસ્ટીટ્યૂટ ખોલવા પર સહમતી થઈ ગઈ છે. જેના પરિણામે દિલ્હીમાં જિમ, સ્કૂલ, કોલેજ અને કોચિંગ ઈંસ્ટીટ્યૂટ ફરથી ખોલી શકાય છે.

 
જો કે, હાલમાં નાઈટ કર્ફ્યૂ પર પણ હજૂ નિર્ણય લેવાયો નથી. જો કે, સમય રાતના 10 વાગ્યાથી વધારીને 11 વાગ્યાથી સવારના 5 વાગ્યા સુધી કરવા પર સહમતી બની ગઈ છે. મળેલી જાણકારી અનુસાર મીટિંગમાં કઈ કઈ બાબતો પર છૂટ આપવામા આવશે, તેના વિશે સત્તાવાર જાહેરાત હવે થશે.

 

તો વળી સૂત્રોના જણાવ્યા અનુસાર DDMAએ દિલ્હી કાર્યાલયોને અમુક ટકાવારી સાથે કર્મચારીઓના સ્ટાફને કામ કરવાની મંજૂરી આપવામાં આવી છે. કારમાં સિંગ ડ્રાઈવરને માસ્કમાંથી છૂટ આપવામાં આવશે. પ્રતિબંધોની સાથે ખુલશે જિમ, કોલેજ અને કોચિંગ ઈંસ્ટીટ્યૂટ SOP સાથે ખોલી શકાય છે. રાજધાનીમાં તબક્કાવાર રીતે સ્કૂલ ખુલશે. 9માં અને 12 માં ધોરણ માટે 7 ફેબ્રુઆરીથી ખોલવામાં આવશે. નવા નિયમ અનુસાર જે શિક્ષકોનું રસીકરણ નથી થયું. તેમને ક્લાસમાં આવવા દેવામા આવશે નહીં. બીજી બાજૂ 15-18 વર્ષમાં રસીકરણ વધારવામાં આવશે.

બપોરે 12 કલાકે થઈ હતી આ મીટીંગ

આપને જણાવી દઈએ કે, ડીડીએમએની આ મીટિંગ ઉપરાજ્યપાલ અનિલ બૈઝલની અધ્યક્ષતામાં થઈ હતી. બેઠકમાં મુખ્યમંત્રી અરવિંદ કેજરીવાલ સહિત તમામ અધિકારીઓ હાજર રહ્યા હતા અને સ્થિતીની સમીક્ષા બાદ કેટલાય નિર્ણય લેવાયા હતાં.