મોબાઇલ હોય કે ઇન્ટરનેટ સાથે જોડાયેલા કોઇપણ ગેજેટ, તેના પર હંમેશા માલવેર કે હેકર્સનો ખતરો હંમેશા તોળાતો રહે છે. તેમાંથી એન્ડ્રોઇડ ઉપરાંત એપલના આઇઓએસ પ્લેટફોર્મના ડિવાઇસ પણ બાકાત નથી. દર બીજા-ત્રીજા દિવસે મોબાઇલની સિકયુરિટી અને પ્રાઇવેસી સામે ખતરાના અહેવાલો આવી રહ્યા છે. ખાસ કરીને એન્ડ્રોઇડ ઓપરેટિંગ સિસ્ટમ પર ચાલતા મોબાઇલ પર ખતરો વધારે રહે છે. કેમ કે ગુગલ દ્વારા દર મહિને અપાતા સિકયુરિટી અપડેટને આપવામાં વિવિધ મોબાઇલ કંપનીઓ ઘણી વાર કરે છે.
એકસહેલ્પર નામના માલવેરનો હજારો મોબાઇલ શિકાર બન્યા
એન્ટિવાયરસ પણ તેને દુર કરી શકતા નથી
એક અહેવાલ મુજબ એકસહેલ્પર નામના માલવેરનો હજારો મોબાઇલ શિકાર બન્યા છે. આ માલવેર જયારે યુઝર કોઇ વિશ્વાસપાત્ર ન હોય તેવી વેબસાઇટ પરથી એપ કે ફાઇલ ડાઉનલોડ કરે ત્યારે ચુપચાપ મોબાઇલમાં વી જાય છે. આ માલવેર પછી ડેટા ચોરી સહિત તે બધુ જ કરે છે જે તેના ડેવલપર્સ ઇચ્છતા હોય.અત્યારે તો આ માલવેર એડ બચાવવા ઉપરાંત સ્પામ નોટિફિકેશન મોકલતો હોવાનું જણાયું છે.
જોકે તે પાસવર્ડ પણ ચોરી શકે છે તેવી નિષ્ણાતોને આશંકા છે.સૌથી ગંભીર બાબત એ છે કે આ માલવેર અનરિમુવેબલ એટેલ કે ડિલીટ ન કરી શકાય તેવો છે.કેટલાક યુઝર્સે મોબાઇલ ફેકટરી રિસેટ કર્યો હોવા છતાં માલવેર રિમુવ ન થયો હોવાની ફરિયાદ કરી છે.
આ માલવેર ફરીથી મોબાઇલ ઇન્સ્ટોલ થઇ જાય છે. એન્ટિવાયરસ પણ તેને દુર કરી શકતા નથી અને ઘણા એન્ટિવાયરસ તેને ડિટેકટ પણ કરી શકતા નથી.આ માલવેર ઇન્ટરનેટ પર છેલ્લા કેટલાક દિવસોથી ફરી રહ્યો છે.લોકો તેના વિશે રેડિટ સહિત વિવિધ પ્લેટફોર્મ પર તેની ચર્ચા કરી રહ્યા છે અને નિષ્ણાતોની મદદ માગી રહ્યા છે.