હાલમાં જ એક મેલિસિયસ બેન્ક ટ્રોઝન એપની જાણકારી મળી છે જે લોકોની બેન્ક એપ, ડિજિટલ વોલેટ અને ક્રિપ્ટો વોલેટને નિશાન બનાવી રહી હતી.
આ એપ્સ બેન્ક એકાઉન્ટ કરી શકે છે ખાલી
ફોનમાં હોય તો હાલ જ કરો ડિલિટ
જાણો તેના વિશે બધુ જ
તમામ જાગૃતિ છતાં દેશમાં સાયબર ફ્રોડના કિસ્સાઓ અટકી રહ્યા નથી. સાયબર ફ્રોડ્સ સમયાંતરે છેતરપિંડી કરવાની નવી રીતો સાથે આવી રહ્યા છે. ઠગ માટે કોઈને પણ શિકાર બનાવવા માટે સૌથી કારગર હથિયાર સ્માર્ટફોન જ છે. કારણ કે આજના સમયમાં મોટાભાગના લોકો સ્માર્ટફોનથી જ પોતાની બેન્કિંગ સાથે જોડાયેલા મોટાભાગના કામ કરે છે. એવામાં તેમના માટે પૈસા ઉડાવવા સૌથી સરળ થઈ જાય છે.
ત્યાં જ અલગ અલગ રીતે તમારા ફોનમાં એન્ટ્રી મેળવી લે છે જો તમારી ડિટેલ ચોરીકરી છેતરપિંડી કરે છે. હાલમાં જ એક મેલિસિયસ બેન્કિંગ ટ્રોઝન એપની જાણકારી મળી છે જે લોકોની બેન્ક એપ, ડિજિટલ વોલેટ અને ક્રિપ્ટો વોલેટને નિશાન બનાવી રહી હતી.
કઈ છે આ એપ
આ ખતરનાક એપની જાણકારી હાલમાં જ મળી છે. ચોંકાવનારી વાત એ છે કે આ એપ ગુગલ પ્લે સ્ટોર પર 10 હજારથી પણ વધારે વખત ડાઉનલોડ થઈ ચુકી છે. આ એપનું નામ છે. 'ક્યુઆર કોડ અને બારકોડ સ્કેન' એપ. હાલ જાણકારી મળ્યા બાદ ગુગલે તેને પ્લે સ્ટોરમાં બેન કરી દીધી છે.
કઈ રીતે કરે છે કામ?
રિપોર્ટ અનુસાર 2021ની શરૂઆતમાં TeaBot નામની એક એપ દ્વારા એક ટ્રોઝન મેલવેર જાહેર કરવામાં આવ્યું હતું. તે ટ્રોઝનને યુઝર્સના ડિવાઈઝમાં જઈને ક્રેડેન્શિયલ્સ અને એસએમએસ ચોરવાના હેતુથી તૈયાર કરવામાં આવ્યું હતું. આ ફોનમાં ઘુસ્યા બાદ જોવા પણ નથી મળતુ. ફોનમાં એન્ટ્રી કરતા જ આ તમારા ફોનની સ્ક્રીનનો એક્સેસ લઈ લે છે. ત્યાર બાદ એસએમએસનું એક્સેસ પણ તેની પાસે હોય છે. તે ઉપરાંત આ તમારી બેન્કિંગ સાથે જોડાયેલી લોગિન આઈડી અને પાસવર્ડવને પણ ચોરે છે. ત્યાર બાદ હેકર્સ તમારા બેન્ક એકાઉન્ટથી રૂપિયા ઉડાવી લે છે.