જામનગરની જી જી હોસ્પિટલમાં સરકાર દ્વારા કરોડો રૂપિયાની ગ્રાન્ટ ફાળવી નવા ફાયરના સાધનો નાખવામાં આવ્યા છે. પરંતુ ફાયર વિભાગ દ્વારા છેલ્લા ત્રણ મહિનાથી NOC ન આપવામાં આવી હોવાથી અંદરખાને કંઈક રંધાઈ રહ્યું હોવાની ગંધ આવી રહી છે.
Share
જામનગર ફાયર સેફ્ટિ ઈન્સ્ટોલેશનનો વિવાદ
ક્યારે મળશે ફાયર એન.ઓ.સી
કામની ગુણવત્તા પર ઉઠ્યા સવાલ
સૌરાષ્ટ્રની સૌથી મોટી જી.જી. હોસ્પિટલ ફરી એક વાર વિવાદમાં આવી છે. જામનગર ની જી જી હોસ્પિટલ માં સરકાર દ્વારા કરોડો રૂપિયાની ગ્રાન્ટ ફાળવી નવા ફાયારના સાધનો નાખવામાં આવ્યા છે. પરંતુ જામનગર મહાનગરપાલિકાના ફાયર વિભાગ દ્વારા છેલ્લા ત્રણ મહિના કરતા વધુ સમય થાય ગયો છે. છતાં NOC ન આપવામાં આવી હોવાથી અનેક સવાલો પણ ઉઠી રહ્યા છે.
કોઈ મગનુું નામ મરી પાડવા તૈયાર નથી
શહેરમાં વિકાસ અને ગતિની બહું વાતો થાય છે. પરંતુ જી.જી. હોસ્પિટલમાં છેલ્લા ચાર મહિનાથી શરૂ થયેલું ફાયર ઈન્સ્ટોલેશનનું કામ હજુ કેટલે પહોચ્યું ? અને તેમાં કેવી ગુણવત્તા જળવાઈ છે? કે કેમ તેવા અનેક સવાલ ઉઠી રહ્યા છે. આ હોસ્પિટલમાં દરરોજ જામનગર એક માત્ર નહિ પણ દેવભૂમિ દ્વારકા, પોરબંદર, મોરબી સહિતના જિલ્લાઓમાંથી હજારોની સંખ્યામાં દર્દીઓ સારવાર અર્થે આવે છે. ત્યારે આ હોસ્પિટલની સેફ્ટી પણ ખૂબ મહત્વની બને છે. હોસ્પિટલ આગ જની બનાવો બને તો દર્દીઓને પણ ઇજા પહોંચી શકે છે.
ચાર મહિના થયા છતાં નથી મળી NOC
જી.જી.હોસ્પિટલમાં નવા ફાયર સેફટીના સાધનો માટે કરોડો રૂપિયાની ગ્રાન્ટ ફાળવવામાં આવી હતી. જેમાં PIU મારફતે આ હોસ્પિટલને ફાયરપ્રૂફ બનાવવાનું કામ ઘણા સમય પહેલા આપી દેવાયું હતું. હોસ્પિટલમાં આવતી તમામ બિલ્ડિંગોમાં ફાયર ઇન્સ્ટોલેશનની કામગીરી લગભગ પૂરી થઈ ચૂકી છે. પરંતુ તેમ છતાં જામનગર મહાનગરપાલિકાની ફાયર વિભાગે હજુ સુધી જીજી હોસ્પિટલની નવી ફાયરસેફ્ટીને NOC આપી નથી. જામનગર મનપાના ડેપ્યુટી ચીફ ફાયર ઓફિસરનું કહેવું છે કે, હજુ કામ અધૂરું છે.
પ્રોજેકટ ઇમ્પ્લીમેન્ટેશન યુનિટ દ્વારા જે કામ થયું છે તેમાં ઘણી ક્ષતિઓ રહી ગઈ છે. સરકાર દ્વારા કરોડો રૂપિયાની ગ્રાન્ટની ફાળવી કરવા આવી હોવા છતાં ક્યાંક ગુણવત્તા સાથે બાંધછોડ કરવામાં આવી હોય તેવી પ્રબળ શંકા જન્મી છે. મીડિયા દ્વારા PIU કચેરીના અધિકારીઓનો સંપર્ક સાધવાનો અનેકવાર પ્રયાસ કરવામાં આવ્યા છે. પરંતુ તેઓ સતત મીડિયાથી દૂર ભાગી રહ્યા છે. તેમજ જામનગર મહાનગર પાલિકાના કોર્પોરેટર જેનિમ બેન ખફીએ પણ RTI કરી સમગ્ર મામલે તાગ મેળવવાનો પ્રયત્ન કર્યો હતો પરંતુ નેમને પણ પૂરતી માહિતી એવામાં આવી ન હોવાથી ભષ્ટ્રાચાર થયો હોવાની પ્રબળ શંકા જન્મી છે. ભ્રષ્ટાચારીઓ દર્દીઓના જીવ જોખમમાં મૂકી, નબળી, ગુણવત્તા વગરની કામગીરી કરી હોય તેવું ચિત્ર ઉપસી રહ્યું છે. ત્યારે આ બાબતે જલદી ફાયર સેફ્ટી ઈન્સ્ટોલેશનનું પરીક્ષણ થાય અને એનઓસીની આપવાની કામગીરી હાથ ધરાય તે જરૂરી છે.
