ઇન્ડિયન આર્મી / VIDEO: સેનાને મળી મોટી ગિફ્ટઃ સેના દિવસે લોન્ચ થઇ નવી કૉમ્બેટ યુનિફોર્મ, ગમે તે જગ્યાએ અને ઋતુમાં આપશે સાથ

• ભારતીય સેના નવી વર્દીમાં છે તૈયાર
• જવાનોને હર મોસમમાં સાથ આપશે વર્દી
• કલર અને પેર્ટનથી દુશ્મનને મ્હાત અપાશે

સેના દિવસે પહેલી વખત ભારતીય સેના પોતાના નવા કૉમ્બેટ યુનિફોર્મ દુનિયાને બતાવશે. ભારતીય સેનાના નવા યુનિફોર્મને લઈને ચર્ચાઓ ચાલી રહી હતી. ત્યારે સેના દિવસ નિમિત્તે નવો યુનિફોર્મ રિલીઝ કરવામાં આવ્યો છે. શનિવારે 74માં થલસેના દિવસે ભારતીય સેનાની નવી કૉમ્બેટ યુનિફોર્મ જોવા મળી છે. 

કેન્ટ સ્થિત કરિયપ્પા પરેડ ગ્રાઉન્ડમાં થલસેના પ્રમુખ જનરલ એમ.એમ. નરવણેને સલામી આપવા માટે પેરા-એસએફ(સ્પેશિયલ ફોર્સ) કમાન્ડોનું ટીમ આ નવા ડ્રેસમાં સામે આવ્યા છે. યુદ્ધના મેદાન અને ફીલ્ડ પોસ્ટિંગ દરમિયાન હવે સૈનિક આ નવા યુનિફોર્મ પહેરશે.

કોણે તૈયાર કર્યો યુનિફોર્મ?

આ યુનિફોર્મ રાષ્ટ્રીય ફેશન સંસ્થા(NIFT)ના પ્રોફેસરો સહિત 8 લોકોની ટીમે તૈયાર કર્યો છે. નવા યુનિફોર્મમાં પતલા કપડાનો ઉપયોગ કરવામાં આવ્યો છે. સાથે કલર અને ડિઝાઈનમાં પણ બદલવામાં આવ્યા છે. આ યુનિફોર્મને જવાનોની જરૂરિયાત અને અનુકૂળતાને ધ્યાનમાં રાખીને બનાવામાં આવ્યો છે. દરેક હવામાન સાથે, રણપ્રદેશો અને ઠંડા પ્રદેશોમાં પણ જવાનોના શરીરને અનુકૂળ રહેશે. આ પ્રકારના યુનિફોર્મ ઘણા દેશોની સેનાઓમાં ઉપયોગમાં લેવામાં આવે છે.

#WATCH | Delhi: Indian Army’s Parachute Regiment commandos marching during the Army Day Parade in the new digital combat uniform of the Indian Army. This is the first time that the uniform has been unveiled in public. pic.twitter.com/j9D18kNP8B

— ANI (@ANI) January 15, 2022

કેવો છે આ યુનિફોર્મ?

• યુનિફોર્મને 15 પેર્ટન, 8 ડિઝાઈન, 4 ફ્રેબિક વિકલ્પોથી બનાવાયો
• જરૂરિયાતોની એકરૂપતાને ધ્યાનમાં રાખીને ડિઝાઈન કરાયો
• નવી વર્દીનો કલર અને પેર્ટનથી જવાનોને રક્ષણમાં મદદ મળશે
• યુનિફોર્મ દરેક મોસમ અને ક્ષેત્રમાં ઉપયોગી થશે
• નવી ડિઝાઈન, ડિજિટલ પેર્ટનથી તૈયાર કરાઈ વર્દી
• પહેલા જંગલો અને રેતાળ વિસ્તારોમાં જવાનોની વર્દી અલગ હતી 
• હવે તમામ જવાનો એક સરખી વર્દી પહેરશે 
• અમેરિકા સહિત ઘણા દેશોની આર્મી ડિજિટલ પેર્ટનનો ઉપયોગ કરે છે
• અગાઉ યુનિફોર્મમાં જવાનો શર્ટ ઈન કરતા, બેલ્ટ બહાર રહેતો
• નવા યુનિફોર્મમાં બેલ્ટ અંદર હશે અને શર્ટ બહાર

#WATCH | Indian Army releases a video showcasing the valour of the forces on the occasion of #ArmyDay pic.twitter.com/EtK3RIJxkN

— ANI (@ANI) January 15, 2022