કંપનીએ હાલમાં જ નવી ગાડીની એક નાની ઝલક બતાવતો એક વિડીયો સોશ્યલ મીડિયા પર શેર કર્યો છે.
MG Motors તેની Gloster SUV કારને અપડેટ કરવા જઈ રહી છે
નવી SUVમાં MG Astor જેવા લેવલ-2 ADAS ફીચર્સ હશે.
MGની આ SUV તાજેતરમાં આવેલી Hyundai Tucson ને ટક્કર આપશે
ભારતીય બજારમાં નવી 7 સીટર SUV આવવા જઈ છે. MG Motors તેની Gloster SUV કારને અપડેટ કરવા જઈ રહી છે. આ 3- રો ગાડીઓને કંપનીએ વર્ષ 2020માં લોન્ચ કરી હતી. હવે નવા અવતારમાં લોન્ચ થનારી આ કારમાં પહેલા કરતા વધુ ADAS ફીચર્સ આપવામાં આવશે. હાલ એવું કહેવામાં આવી રહ્યું છે કે નવી SUVમાં MG Astor જેવા લેવલ-2 ADAS ફીચર્સ હશે. નવા ફીચર્સ સાથે, MGની આ SUV તાજેતરમાં આવેલી Hyundai Tucson ને ટક્કર આપશે. કંપનીએ હાલમાં જ નવી ગાડીની એક નાની ઝલક બતાવતો એક વિડીયો સોશ્યલ મીડિયા પર શેર કર્યો છે.
MG Motor એ તેના સોશિયલ મીડિયા એકાઉન્ટ પર ADAS ફીચર્સ સાથે નવી Gloster ની ઝલક રજૂ કરી છે. કંપની આ નવી 7 સીટર SUVને 31 ઓગસ્ટે લોન્ચ કરવા જઈ રહી છે. કંપનીએ તેની સોશિયલ મીડિયા પોસ્ટમાં લખ્યું હતું કે, "4x4 ની પવર, ADAS નું પ્રોટેક્શન, એડવાન્સ ગ્લોસ્ટર રસ્તા પર અને તમારા મગજમાં છાપ છોડવા માટે આવી રહી છે."
તમને જણાવી દઈએ કે હાલની MG Gloster સાત-સીટરની કિંમત ₹37.28 લાખથી શરૂ થાય છે. ભારતમાં MGની આ પહેલી કાર હતી જે ADAS ફીચર્સથી સજ્જ હતી. તેમાં એડેપ્ટિવ ક્રૂઝ કંટ્રોલ, ઓટોમેટિક પાર્કિંગ આસિસ્ટ, ફોરવર્ડ કોલિઝન વોર્નિંગ, ઓટોમેટિક ઈમરજન્સી બ્રેકિંગ, બ્લાઈન્ડ સ્પોટ ડિટેક્શન અને લેન ડિપાર્ચર વોર્નિંગ જેવી ઘણી સુવિધાઓ મળતી હતી.
એવું માનવામાં આવે છે કે નવી MG Glosterમાં 2.0-લિટર ટર્બો ડીઝલ એન્જિન મળશે. આ એન્જિન 8-સ્પીડ ઓટોમેટિક ટ્રાન્સમિશન સાથે જોડાયેલું હશે. તે 218 PS પાવર અને 480 Nmનું ટોર્ક જનરેટ કરશે. સાથે જ તેમાં 7 ડ્રાઇવિંગ મોડ્સ જેવા કે સ્નો, સેન્ડ, મડ, રોક, સ્પોર્ટ, ઇકો અને ઓટો પણ મળશે. સેફટી ફીચર્સ ઉપરાંત, આ SUVમાં ડ્રાઇવર સીટ મસાજ ફંક્શન, હિટેડ ડ્રાઇવર જેવી સુવિધાઓ પણ મળશે.