ઑટો / ભારતીય બજારમાં આવશે હિરોથી લઈને KTMના આ દમદાર બાઈક, કિંમત રૂ. 56 હજારથી શરુ

કંપનીઓ તરફથી લોન્ચ કરવામાં આવનાર નવા બાઈકમાં સુપર બાઈકથી લઈને સ્કૂટર પણ સામેલ છે. જો કિંમતની વાત કરીએ તો જે નવા ટૂ વ્હીલર બજારમાં આવશે તેની કિંમત 56 હજારથી શરુ થાય તેવી આશા દેખાઈ રહી છે. આવો જાણી આવા ટૂ વ્હીલર વિશે.  

KTM 250 એડવેન્ચર : 2.3 થી 2.5 લાખ રૂ.  
 
એડવેન્ચર બાઈકના શોખીનો માટે KTM આવતા મહીને KTM 250 એડવેન્ચર લોન્ચ કરી શકે છે. હાલમાં જ ટેસ્ટિંગમાં આ બાઈક જોવા મળી હતી. આ બાઈક,આ 248 સીસીનું સિંગલ સિલિન્ડર એન્જિન છે જે BS6 છે. આ બાઈકની સીધી ટક્કર રોયલ એનફિલ્ડની હિમાલયથી થશે. 

હીરો એક્સપલ્સ : 94 હજારથી 1.4 લાખ 

હિરો મોટોકોર્પ આવતા મહીને એક્સપલ્સ 200ટીને લોન્ચ કરી શકે છે.  બાઈકમાં 199 સીસી,ઓઈલ કૂલ્ડ એન્જિન છે. આ બાઈકને ઓફરોડ અને ટૂર માટે ડીઝાઈન કરવામાં આવી છે અને તેની સીધી ટક્કર અપાચે સાથે થશે. 

અપ્રિલિયા એસએક્સઆર : 90 હજારથી એક લાખ રૂ. 

ટૂ વ્હીલરમાં સ્કૂટરની વાત કરીએ તો અપ્રિલિયા એસએક્સઆર પણ બજારમાં ખૂબ જલ્દી આવાની છે. આ વાહનમાં 125 સીસીનો એન્જિન છે જે દમદાર છે અને કંપનીએ તેને નોએડામાં એક્સ્પોમાં બતાવ્યો હતો. 

TVS વિક્ટર : 56 થી 60 હજાર 

આ સિવાય TVS બજારમાં ફરીથી પોતાની લોકપ્રિય બાઈક વિક્ટરને લોન્ચ કરવા જઈ રહી છે. જે BS6 અનુસાર હશે.  આ મહિનાના અંત અથવા આવતા મહિનાની શરૂઆતમાં બાઈક આવી જાય તેવી સંભાવનાઓ છે અને આ બાઈકમાં 109.7 સીસીનું એન્જિન લગાવવામાં આવ્યું છે. 

હોન્ડા CBR300R : 2થી 2.3 લાખ

હોન્ડા દ્વારા પ્રીમીયમ બાઈકનો બિઝનેસ વધારવા માટે પ્લાન બનાવવામાં આવી રહ્યો છે અને તે માટે કંપની નવી બાઈક પર ધ્યાન આપી રહી છે. હવે કંપની CBR300Rને લોન્ચ કરવા જઈ રહી છે. આ બાઈકને આવતા વર્ષે જાન્યુઆરીમાં લોન્ચ કરવામાં આવે તેવી સંભાવના છે જેમાં 286 સીસીનું એન્જિન આપવામાં આવશે.