પ્રતિબંધ / નેધરલેન્ડમાં લોકડાઉનનો ઉગ્ર વિરોધઃ ડચ પ્રજાને કોવિડ પ્રતિબંધાત્મક નિયમો નથી આવી રહ્યા માફક

• નેધરલેન્ડ સરકારે લોકડાઉન સહિત અનેક લગાવ્યા પ્રકારના પ્રતિબંધો
• ડચ પ્રજાને કોવિડ પ્રતિબંધાત્મક નિયમો માફક આવી રહ્યા 
• પોલીસે બળપ્રયોગ શરૂ કરતાં જ રેલીમાં અફરાતફરી

સમગ્ર દુનિયામાં ફરી એકવાર કોરોના પોતાના નવા સ્વરૂપે પ્રસરી રહ્યો છે. એ સાથે જ ઘણા યુરોપીય દેશોમાં આ પ્રકારના દ્રશ્યો જોવા મળી રહ્યા છે. નેધરલેન્ડના પાટનગર એમસ્ટર્ડમથી સામે આવી રહ્યા છે. નેધરલેન્ડમાં કોરોનાન પ્રસાર વિરુદ્ધ સરકારે લોકડાઉન સહિત અનેક પ્રકારના પ્રતિબંધો મૂકી દીધા છે. પરંતુ ડચ પ્રજાને કોવિડપ્રતિબંધાત્મ નિયમો માફક આવી રહ્યા નથી. આથી હજારો ડચ નાગરિકોએ એમસ્ટર્ડમમાં આવેલા સેન્ટ્રલ મ્યુઝિયમ સ્ક્વેર પર એકઠા થઈને સરકારના નિયમો સામે વિરોધપ્રદર્શિત કર્યો હતો. હાથમાં પીળા રંગની છત્રીઓ અને સંગીત વગાડતી હજારો લોકોની ભીડ રેલી સ્વરૂપે મળી હતી, પરંતુ બાદમાં આ રેલી હુલ્લડમાં ફેરવાઈ ગઈ હતી. શાંત વિરોધ માટે એકઠા ડચ નાગરિકો પર પોલીસે બળપ્રયોગ શરૂ કરતાં જ રેલીમાં અફરાતફરી મચી ગઈ હતી.

Dutch 🇳🇱 police fighting Covid:pic.twitter.com/9ibSqnJDZr

— Dr. Eli David (@DrEliDavid) January 2, 2022

અનેક પ્રદર્શકર્તાઓ સૂત્રોચ્ચાર પોકારતા આગળ વધી રહ્યા હતા જેમાંના કેટલાક પ્રદર્શનકારીઓએ ચહેરા પર બુકાની બાંધી હતી. તો કેટલાક પ્રદર્શનકારીઓ PPE KIT પહેરીને આવ્યા હતા. પરંતુ તેઓ સરેઆમ સોશિયલ ડિસ્ટન્સનો ભંગ કરી રહ્યા હતા. પ્રદર્શનકારીઓને રોકવાના પ્રયાસો દરમિયાન પોલીસ અને નાગરિકો વચ્ચે ઝપાઝપી સર્જાઈ હતી. આ વીડિયોમાં આપ જોઈ શકો છો.  નિરંકુશ થઈ રહેલા એક નાગરિકને નિયંત્રણમાં લેવા માટે ડચ પોલીસે પોતાના ડોગનો ઉપયોગ કર્યો હતો.  ડોગ એ નાગરિકના હાથ પર બચકું ભરીને તેને રોકી રહ્યો છે.  પોલીસ અને લોકો વચ્ચેની અથડામણ 30 નાગરિકો અને ચાર પોલીસ અધિકારીઓ પણ ઘાયલ થયા છે. 

આપને જણાવી દઈએ કે, નેધરલેન્ડમાં છેલ્લા એક અઠવાડિયાથી કોરોનાવાયરસ સંક્રમણ દર ધીરે ધીરે ઘટી રહ્યો છે. પરંતુ તેમ છતાં ઓમિક્રોનની દહેશત હેઠળ લોકોને લોકડાઉન અને વિવિધ પ્રતિબંધોમાંથી મુક્તિ આપવામાં આવી નથી. નેધરલેન્ડમાં 19 ડિસેમ્બરથી લોકડાઉન લગાવી દેવામાં આવેલું છે જે 14 જાન્યુઆરી સુધી ચાલશે. લોકડાઉનના કારણે નેધરલેન્ડમાં બાર, રેસ્ટોરા, પ્રાણીસંગ્રહાલય, દુકાનો, થિયેટર સિનેમાઘર વગેરે બંધ છે. આથી લોકો હવે લોકડાઉન અને કોવિડ પ્રતિબંધો હટાવી લેવાની ઘણા સમયથી માગ કરી રહ્યા છે.  નેધરલેન્ડ સરકારે બે  કરતાં વધારે લોકોને એકઠા થવા પર સખત પ્રતિબંધ મૂકેલો હોવા છતાં લોકો આ રીતે રસ્તા પર એકઠા થઈ રહ્યા છે. ત્યારે હવે જોવાનું એ રહેશે કે, લોકોના વિરોધ બાદ નેધરલેન્ડ સરકાર કોવિડ પ્રતિબંધો હટાવવા મજબૂર થાય છે કે કેમ?