નેટફ્લિક્સના કેટલાક યુઝર્સ માટે ખરાબ સમાચાર છે. વીડિયો સ્ટ્રીમિંગ સેવા નેટફ્લિક્સ 1 ડિસેમ્બર એટલે કે આજથી કેટલાક ડિવાઈસમાં ઉપયોગ નહીં કરી શકાય. મળતી માહિતી મુજબ આ ડિવાઈસની લિસ્ટમાં કેટલાક સ્માર્ટ ટીવી અને મીડિયા પ્લેયર્સ પણ સામેલ છે.
1 ડિસેમ્બરથી આ ડિવાઈસમાં નહીં જોઈ શકાય નેટફ્લિક્સ
આ ડિવાઈસની લિસ્ટમાં કેટલાક સ્માર્ટ ટીવી અને મીડિયા પ્લેયર્સ છે
2010 અને 2011ના સેમસંગ મોડલ ટીવીમાં નહીં જોઈ શકાય
એવું કહેવામાં આવ્યું હતું કે 2010 અને 2011માં બનેલી સેમસંગ સ્માર્ટ ટીવીમાં નેટફ્લિક્સ એપ કામ નહીં કરી શકે. આ સાથે જ રોકુ કંપનીના મીડિયા પ્લેયર્સ જેમ કે, રોકુ 200 સી, રોકુ 2050 એક્સ, રોકુ 2100 એક્સ, રોકુ એચડી, રોકુ એસડી, રોકુ એક્સડી અને રોકુ એક્સઆરમાં નેટફ્લિક્સ એપ્લિકેશન સપોર્ટ નહીં કરે. સેમસંગ સપોર્ટ પેજ મુજબ, આ બધાં ડિવાઈસમાં ટેક્નિરલ લિમિટેશનને કારણે નેટફ્લિક્સ સ્ટ્રીમિંગ સપોર્ટ નહીં કરે.
એક રિપોર્ટ અનુસાર, સેમસંગના આ સ્માર્ટ ટીવી મોડલ્સની ઈનબિલ્ટ નેટફ્લિક્સ એપ કામ કરવાનું બંધ કરી દેશ. પરંતુ જો તમે, એમેઝોન ફાયર ટીવી સ્ટિક, એપલ ટીવી, સોની પ્લેસ્ટેશન જેવા એક્સટર્નલ ડિવાઈસ દ્વારા લોગ ઈન કરશો તો આ મોડલમાં પણ નેટફ્લિક્સ ચલાવી શકશો.
આ રીતે ચેક કરો તમારી ટીવીનો મોડલ કોડ
સેમસંગ મુજબ, તમારા ટીવીનો મોડલ કોડ જાણવો હોય તો સૌથી પહેલાં Menuમાં જાઓ, ત્યારબાદ Support પર ક્લિક કરો અને ‘contact samsung’ પર જાઓ. અહીં તમને તમારી ટીવીનો મોડલ કોડ જોવા મળશે.