ગોઝારો અકસ્માત / અમરેલી નજીક પુર પાટ ઝડપે આવતી કાર ઝાડ સાથે અથડાતાં 8 મહિનાના દીકરા સહિત પતિ-પત્નીનું મોત

• કાર ઝાડ સાથે ધડાભેર અથડાઈને ત્રણ જિંદગીઓ ઓલવાઈ ગઈ
• ચાલકે સ્ટિંયરિંગ પરથી કાબૂ ગુમાવ્યો કે ઝાકળ નડી
• પલકવારમાં પરિવાર બુઝાઈ જતાં પંથકમાં શોકાતુર

એક જ પરિવારના ત્રણેય વ્યક્તિના મોતથી અરેરાટી મચી ગઈ છે. માત્ર 8 મહિનાના દીકરા સાથે પતિ-પત્નીની નિધનથી પરિવાર પર આભ ફાટ્યું છે.નાના ભંડારીયા ગામ નજીક અકસ્માત થતાં ગ્રામજનો દોડી આવ્યા હતાં ત્યારબાદ પોલીસને જાણ કરાઈ હતી. પોલીસ અને આરોગ્ય વિભાગે ત્રણેય મૃતદેહોને પીએમ માટે અમરેલી સિવિલ હોસ્પિટલ ખાતે ખસેડ્યા છે.  

ગ્રામજનો પણ વિચારી રહ્યા છે કે અકસ્માત કેવી રીતે થયો. જો કે વધુ ઝાકળ અને સ્ટિયરિંગ પરથી કાબુ ગુમાવવો આ બંને કારણ હોય શકે છે. આ ઉપરાંત કાર હાઈસ્પીડમાં હોવાથી આગળના ભાગે ભારે નુકશાન થયું છે. 

મૃતકોના નામ 
*ગૌરાંગભાઇ કાનપરીયા (ઉ.38)
*કનકભાઇ ગૌરાંગભાઇ કાનપરીયા (ઉ.35)
*મિહિર ગૌરાંગભાઇ કાનપરીયા (ઉ.8 માસ)